كابتن ماجد يكتب: بدون صلاح

والله أنا شايف إن منتخبنا ماهواش سيئ للدرجة اللى تخلينا نهاجم حسام البدرى للدرجة دى.. كل منتخبات العالم متنيلة بستين نيلة خلال السنة الأخيرة بسبب الكورونا وتوقف الدوريات في كل حتةاضافة اعلان


حسام البدرى طول عمره بيلعب عالفوز مش عالإبهار.. ده إذا كنتم بتتكلموا على طريقة اللعب
حسام البدرى مالوش ذنب في عدم التجانس اللى بيعانى منه اللاعبون لأنه ببساطة مالحقش يدربهم أصلا.

حسام البدرى مش خسارة فيه المبلغ اللى بياخده.. بل بالعكس ده المفروض يزيد حبتين إذا ما قارناه بالفلوس اللى أهدرها الاتحاد على المدربين الأجانب، وكما قال الشيخ الفضائى "وائل جمعة" إن ما يمر به منتخب مصر ما هو إلا مرحلة انتقالية لبناء منتخب بجيل جديد، لكن سيظل الهدف الأهم حاليا هو الوصول لكأس الأمم الأفريقية 2021 .

وأخيرا نحن لا نريد أن نتحامل على حسام البدري مع اعترافنا بأن الفريق يعاني من بعض المشكلات مثل البطء في نقل الكرة واختيارات بعض اللاعبين، ولازم منتخبنا يتعود إنه يلعب بدون محمد صلاح.. ولازم البدرى يوفر بديل لصلاح لا يشبه الأخ زيزو.. صلاح لاعب كبير وممتاز لكنه كثير الإصابة ودلوعة حبتين فلازم نعمل حسابنا إننا بنتعامل مع نجم عالمى وفى نفس الوقت مانتكلش عليه قوى كده بالشكل ده.. وأقول قولى هذا واستغفر الله لى ولكم.