بالفيديو.. أغرب إجابات المواطنين على سؤال «مامتك كانت بتخوفك إزاي وانت صغير؟».. على: «تلسعني بالشمعة».. محمد: «هكلم شركة العفاريت تاخدك».. مجدي: «بتحط شطة في بوقي
اختلفت طريقة معاقبة الأمهات لأولادهن الصغار من واحدة لأخرى، فمنهن من حرمت ابنها من المصروف، وتلك استعانت بقصص العفاريت والخيال، وأخرى اتجهت بالأساليب «السع بالنار».
واستطلعت «فيتو» آراء المواطنين حول الطريقة التي اتخذتها أمهاتهم في معاقبتهم وهم صغار، من خلال إجابتهم على سؤال «والدتك كانت بتخوفك إزاي وانت صغير؟».
«تلسعني بالشمعة»
في البداية، قال على ماهر: «أمي كانت بتلسعني بالشمعة وتخوفني بيها ولسه ليها أثر في رقبتي، وتملي تقولي امشي يا حيوان يا كلب»، فيما أوضح نور سيد: «كانت بتضربني بالشبشب، وتقولي روح ذاكر دروسك يا حيوان»، وأضاف محمد سليمان: «كانت بتقولي هكلم شركة العفاريت تيجي تاخدك»، ولفت سيد محمود: «كانت بتقولي بخ».
«العفريت ياكلك»
من جانبه، قال نور ماهر: «كانت بتعملي صوت القطة»، وأكد مجدي نوح: «كانت بتقولي هجيب الكلب ياكلك، هطلعك بره للعفاريت، هحطلك شطة في بقك»، وأوضح شكري محمود: «كانت بتقولي العفريت هيجي ياكلك لو منمتش دلوقتي، ولو شتمت حد تحطلي شطة في بوقي».
«ولادنا بيخوفنا»
فيما قال ضياء ماهر: «كانت بتحرمي من كل حاجاتي، إنما دلوقتي ولادنا هما إللي بيعاقبونا مش بيخافوا من أي حاجة»، واستطردت رانيا سمير: «كانتي بتضربني بالشبشب»، فيما أوضح أحمد فرحات: «كانت تملي تقولي هلسعك بالنار، وبقول لولادي هجبلوكوا حسني لما أحب أخوفهم».
