Advertisements
Advertisements
الإثنين 17 مايو 2021...5 شوال 1442 الجريدة الورقية
Advertisements
Advertisements

شيخ الحارة لـ أحمد بلال: الخطيب رفض عملك بقطاع الناشئين بسبب قضية نصب | فيديو

رياضة

محمد طاهر أبو الجود

واجه شيخ الحارة، الكابتن أحمد بلال نجم نادي الأهلي السابق، بالسر وراء رفض الكابتن محمود الخطيب عمله في قطاع الناشئين.


سبب رفض الخطيب


وأضاف "شيخ الحارة" خلال برنامج "شيخ الحارة والجريئة" الذي تقدمه الإعلامية إيناس الدغيدي بقناة "القاهرة والناس: "الخطيب رفض ترشيح خالد بيبو لك بدلا من هشام حنفي للعمل كمدرب في قطاع الناشئين بسبب إنك متهم في قضية نصب".




أكاديمية النادي الأهلي

وعلق أحمد بلال: "مفيش الكلام ده.. وانا مقلتش إنى عايز اشتغل في قطاع الناشئين وكانوا عايزني امسك فرع في أكاديمية النادي الأهلي ورفضت، وقلت لهم انا اشتغل مدرب في قطاع الناشئين مش مساعد لأنى عندي خبرات وشهادات، و90% من مدربين مصر معندهمش فكرة ومجتش عليا".


شادي محمد

وكشف الكابتن أحمد بلال في نفس اللقاء، تفاصيل خسارته وعدد من اللاعبين أموالهم في البورصة، بسبب شادي محمد مدافع الأحمر السابق.


خسارة البورصة


وأكد خلال لقائه ببرنامج "شيخ الحارة والجريئة" الذي تقدمه المخرجة إيناس الدغيدي بقناة "القاهرة والناس": "فضلنا نضارب بفلوسنا في البورصة لحد لما اتضربنا وخربت بيوتنا، وشادي محمد ودانا في داهية في القصة دي بعد لما خد فلوسنا وعمل فيها رجل اعمال وخسرنا كل اللي ورانا واللى قدامنا".


ورطة شادي محمد


وتابع: "شادي محمد جاب لاب توب وعمل فيها محاسب في بنك وقالنا السهم ده طالع والسهم ده نازل وحطينا فلوسنا في البورصة وكسبنا في الأول وقلنا شادي محمد أكيد جامد، وبعدين حطيت 300 ألف جنيه واقوله فين الفلوس يا شادي وطلعت طارت وخسرنا كتير جدا".
 
قضية نصب

وأشار: "اتورطت في قضية نصب في 2009 لما كنت في الأهلي في قضية معروفة بـ"قضية عثمان" ووقتها كنت مضحوك عليا الراجل خد منى 3 مليون جنيه ورجعهم ليا على 3 سنين من غير فوائد".
Advertisements
Advertisements
Advertisements
Advertisements