رئيس التحرير
عصام كامل
Advertisements
Advertisements
Advertisements
Advertisements

برغم هزيمته.. نشطاء لـ عمر عصر: "عظمة.. بيلاعب روبوت مش بني آدم"

لاعب تنس الطاولة
لاعب تنس الطاولة عمر عصر
Advertisements
لم تكن هزيمة عمر عصر، لاعب منتخب مصر لتنس الطاولة، أمام لاعب الصين "ما لونج" بالأمر السهل، وبالرغم من هزيمة عمر 4-1 في مباراة دور الثمانية لمنافسات فردي الرجال لتنس الطاولة بالدورة الأولمبية طوكيو 2020، لكن عصر دافع بقوة وقدم أداءً مشرفًا ورائعًا أمام لاعب منتخب الصين، محققًا نتائج مميزة خلال البطولة.


المباراة القوية التي قدمها عمر عصر أمام البطل الصيني دفعت نشطاء مواقع التواصل الاجتماعي "فيس بوك وتويتر" لتقديم الدعم الكامل للبطل المصري عمر عصر، الذي خسر أمام المصنف الأول في العالم بعد مباراة قوية، لم يستسلم خلالها، محققًا نتائج جيدة في الأشواط الخمسة التي لعبها.

بطل يا عصر
 قال عادل كريم عن عصر "مصنف 28 وبتوصل دور الـ 8.. بتكسب 3 لعيبة أعلى منك في التصنيف.. قصاد واحد من أعظم لعيبة العالم ورغم إن فرصتك شبه مستحيلة بتموت نفسك لحد آخر نقطة.. ده اللي اسمه بطل.. شكراً عمر عصر".

وعلق الإعلامي هاني حتحوت: "شكرًا عمر عصر، وشكرًا لكل بطل بيعمل اللي عليه وزيادة حتى لو ماجابش ميدالية".

وهنا رد ماجيكانو: "عملت اللي عليك يا عمر وفخرين بيك".

وجاء الدعم من محمد جدو، فقال: "هارد لك عمر عصر.. عمل ماتش جامد أوي".

بيلعب بالفطرة
وتابع أحمد عطا: "والله ما عارف أنقل لماتش مصر من كتر العظمة اللي عاملها عمر عصر".

وقال حسام ريهان داعمًا: "الصيني تحسه بيلعب الكورة برجله.. رهيب، إيديه مرزبة.. شكرا عملت اللي عليك يا عمر يا عصر، وكنت رجل".

وأضاف محمد يسري: "عمر عصر عمل ماتش حلو وفوق المتوقع ضد لعيب بيتدرب اكتر منه من وهو ناشئ، وبيتعمل له معسكرات تدريبية مع مدربين بمستوى عالي.. يعني فرق المستوى رهيب.. عصر بيلعب تنس الطاولة بالفطرة وخبراته اللي اخدها بعد احترافه لا تقارن بأي لعيب صيني، واللي عمله في طوكيو إنجاز كبير جدا يُشكر عليه".

ورد هشام الفقي: "عظيم يا عمر يا عصر والله.. ربنا يوفقك يا ابني حظك وقع في الكائن الفضائي ده".

عصر بيجاهدوقال يوسف: "عمر عصر بيجاهد والله.. الواد الصيني ده مهكر المضرب".


أما جاست سامح فعلق: "عمر عصر عالمي فعلا".

وأضاف أحمد عبد الفتاح: "والله عمر عصر ده عظيم، بيلاعب روبوت مش بني آدم".




وقال عمرو نصوحي: "يا جماعة عمر عصر ده معجزة".

مثال مشرف
أما ميشووكس فعلق: "أعتقد عمر عصر ده المثال الحي اللي نسميه تمثيل مشرف، نقوله معلش المرة الجاية تكون افضل، نطبطب عليه ونقوله عاش يا بطل معلش عملت اللي عليك".




وأضاف محمد سمير: "عمر عصر بعد الإنجاز عمل ماتش رائع قدام ما لونج وخسر ٤-١ في ربع النهائي.. إنجاز عمر عصر كان محتاج يتبروز بميدالية لكن يفضل أبرز إنجاز للبعثة المصرية في طوكيو".





وقال عز منبر مدريد: "رسميًا— المصري عمر عصر يخسر من الصيني ما لونغ، ويغادر من دور ربع النهائي في كرة الطاولة، ماقصرت ماقصرت ماقصرت ياعمر.. مستوى رائع ومشرف أمام البطل الصيني والقادم أجمل وأفضل بإذن الله".




ورد طارق طلعت داعمًا: "ماتش مشرف جدا من عمر عصر.. ماهو مكنش ينفع يفوز.. ده بيلاعب جن، مش إنسان زينا".
Advertisements
Advertisements
الجريدة الرسمية