Advertisements
Advertisements
الجمعة 23 أبريل 2021...11 رمضان 1442 الجريدة الورقية
Advertisements
Advertisements

ساخرون.. كابتن ماجد يكتب: الله أعلم

ساخرون كابتن ماجد
كابتن ماجد

سؤال بيطرح بلح.. هو ممكن الدوري يكتمل السنة دى ولا هيتوقف بسبب الموجة التانية من كورونا؟!

الإجابة: الله أعلم.. فلا اتحاد كورة فاضى يفكر ويحسم القصة دى ولا رئيس النادي الهمام موجود علشان يقرفنا بالقصة دى.

طيب يعنى هو إحنا كنا خايفين على اللعيبة من الموجة الأولى ومحناش خايفين عليهم من الموجة التانية؟!
برضو الإجابة الله أعلم لأنه ببساطة مافيش في اتحاد الكرة حاليا حد ممكن يجاوبك
طب وزارة الشباب والرياضة اللى كانت بتعمل مسحات للاعبين على نفقتها الخاصة في الموجة الأولى هتعمل إيه معاهم في الموجة التانية؟!
يا عم قولنالك الله أعلم هو أنت هتصدعنا ليه.. لازم نقولك إن الوزير نفسه ماعندوش خطة للحكاية دى لغاية دلوقتي

بس كده  الكورونا هتنتشر بين اللاعبين ياعم كابتن ماجد!
طب ما تنتشر عادى.. ماهى منتشرة في كل مكان وبرضو عادى.. لما الدوريات الأجنبية تتوقف يبقى أكيد ساعتها هنعمل زيهم.. سيبها على الله وآهى ماشية بالبركة.
طب يعنى لما حد يسألنى الأسئلة دى أقوله إيه؟!.... لما حد يسألك رد عليه وقوله.. "الله أعلم"

Advertisements
Advertisements
Advertisements
Advertisements