خالد سالم يكتب: عمى الألوان
زمن الرسم بالأبيض والأسود عنوان
كان الفيلم والمسرحية
والبطل والبطلة
أبيض وأسود
وكان في التمثيل إتقان
وللست أعذب الألحان
كان الطيب أبيض
والشرير أسود بهتان
حتى لبس الحرامي الجبان
كان خالي من الألوان
شبابيك وبيبان
ملاك وشيطان
كان الطبع الحلو يبان
والإحساس نعمة وإيمان
كان الأصيل معروف
والخسيس جبان
كانت الأخلاق من القلب
والعلم أساس الدرب
والعشرة أصل الحب
والنعمة في النسيان
زمن الأبيض والأسود
قبل ظهور الألوان
أيام
عمى الألوان
ياريته استمر كمان
كان الكل كسبان
كان فيه حب
وكانت رحمة
وهدوء وعشرة تتصان
زمن الأبيض وأسود اتهان
اتحول لغابة من الألوان
وضاعت معاه السكة والعنوان
كانت العيشة سهلة وبسيطة
والناس طيبة ما كنتش حويطة
بعت العيشة مرة
والخلق كانت في جرة
وطلعت بالعيوب لـ برة
زمن أبيض وأسود
كونا نرسم بعيونَّا الألوان
ونمشي في الشارع بأمان
أزياء راقية مش شغل جنان
كله دلوقتي بالألوان
الأبيض والأسود ما بقاش يبان
يارب يرجع لنا عمى الألوان
