Advertisements
Advertisements
الثلاثاء 20 أبريل 2021...8 رمضان 1442 الجريدة الورقية
Advertisements
Advertisements

رغيفي إتحسن بس غموسه أجيبه منين| ساخرون

ساخرون شلاليت عم فريد طه
شلاليت

فريد طه




شلاليت



يا اللا ياريس هات مناشير

لأجل ما ننشر كل عسير

عايزين لما المنشار ينشر

كل مشاكل مصر تطير



قول لنا نمشي نروح على فين

عايزين مصر تسد الدين

شكرا إن رغيفي اتحسن

بس غموسه أجيبه منين



أنت وعدت وقلت كلام

كله ملان أجمل أحلام

نفسي أصحصح وياك تاني

اوعي تسيبني في حلمي أنام



خليك فاكر وعدك لينا

إنك جاي علشان تحمينا

وإن حققت وعودك طبعا

وقت الشدة معاك تلاقينا



أنا في طريقي وحلمي معاك

ياحبيب قلبي وبستناك

ومافيش حد يفرّق بينّا

طول ما أنا ماشي وقلبي معاك



خليك فاكر وعدك لينا

كل الناس واقفين حوالينا

وإحنا حنبقي الشمعة في إيدك

إن نفذت وعودك لينا





Advertisements
Advertisements
Advertisements
Advertisements