ربة منزل أمام محكمة الأسرة: «عايزني أشغل لمبة واحدة وبمواعيد»
"عايزني أشغل لمبة واحدة بس في البيت للتوفير"، بهذه الكلمات الممزوجة بعلامات الاستفهام بدأت سيدة في العقد الثالث من عمرها تروي تفاصيل رفعها دعوى خلع على زوجها.
وقالت "إيمان": "زوجي من الأشخاص الحريصين زيادة عن اللزوم كل شيء يريد توفيره في البيت مصاريف وطعام وشراب كنت فاكرة ده بسبب الأقساط اللي عندنا ولما تخلص هيبطل بخل بس اتضح إنها عادته ولا يستطيع تغييرها".
وأضافت: "تحملت معه أول الزواج لأنني أعلم جيدًا الظروف التي كنا نمر بها لذلك كنت أغفل عن تصرفاته الغريبة يجبرني مرة على عدم طهي الطعام سوى مرتين في الأسبوع والبقية نذهب فيه عند عائلتي وعائلته لنأكل هناك، والكهرباء كان دائما يريدني أقوم بإطفائها لو شغلت النور هي لمبة واحدة كفاية للبيت كله ومفيش تليفزيون والكلام ده علشان نوفر مصاريف".
تابعت: "كلمة نوفر كان يقولها أكثر من مائة مرة في اليوم في أي موضوع أتحدث إليه لقد أنجبنا أطفالا وعدى سنين ومع ذلك عادته لا تتغير بل تسوء بدل من طهي يومين في الأسبوع أصبح يوما واحدا وتشغيل الكهرباء بمواعيد "زهقت من العيشة كدا أهلي بقوا يقولولي مدام احنا لسه بنصرف عليكي يبقي اتجوزتي ليه بقيت بشحت من الجيران أكل بسببه مفيش في التلاجة غير مياه ولو من عنده كان قاطعها علشان يوفر تحملت بما يكفي من بخله وكان الحل هو خلعه".
