من لا يشكر الناس.. الشاعر عمرو حسن يحكي موقفًا جمعه بـ تامر حسني

كشف الشاعر عمرو حسن عبر صفحته الشخصية على موقع التواصل الاجتماعي "فيس بوك" عن موقف جمعه بالنجم تامر حسني في وقت سابق. 

وكتب عمرو حسن: "البوست ده بدون مناسبة معينة بس حبيت أشكر تامر حسني، في يوم من الأيام بعتله أغنية على الواتساب وهو لا يعرفني ولا ليا اسم ف الأغنية زي ناس كتير أساتذة معروفين، شاف الرسالة ومردش عليها وبعد يومين بعتلي بالنص يقولي: أنا أسف جداً إني ماردتش بس انا الرسايل عندي كتير وانشغلت وماقرتش، وأنا حبيت اللي أنت كاتبه وعاوزك تبعتلي كل اللي تحب إني اقراه".

وتابع: "أنا مش كاتب البوست ده عشان عجبه شغلي، انا كاتبه عشان هو اعتذر لواحد مايعرفوش ومش محتاج منه حاجة .. وسواء وصله شكري أو لأ فانا حاسس إني عملت شيء صح.. من لا يشكُر الناس لا يشكُر الله".

و في سياق آخر، أعلن الفنان تامر حسني أمس السبت، عن تأجيل أحدث كليباته التي كان ينوي طرحها اليوم الأحد تزامنا مع عيد الحب.

وكتب تامر حسني عبر صفحته الشخصية على موقع "فيس بوك" : "كان نفسي أنزل في يوم 14 فبراير بأغنية جديدة مصورة بس للأسف مخلصتش بالشكل اللي أنا منتظره، واللي يليق بجمهور محترم زيكم فا محتاجه لسه شغل كتير فيه".

وتابع تامر فى منشوره: "أنا لا يمكن أتسرع وانزل بعمل لسه مش جاهز، بعتذر لكم جداً جداً جداً، أنا آسف كان نفسي أشارككم في اللحظة دي بالعمل دا، بس ملحوقة إن شاء الله، كل سنة وانتوا طيبين ويوم حب جميل عليكم".

وكان الفنان تامر حسني قدم لجمهوره ومتابعيه، روشتة للتغلب على الصعوبات التي تواجهه في حياته الفنية والشخصية، من خلال كتابة بعض النصائح عبر حساباته الرسمية بمواقع التواصل الاجتماعي.

وكتب تامر تدوينة طويلة عبر صفحته الرسمية بموقع التواصل الاجتماعي " فيس بوك" ، حيث قال : " نهاركم جميل زيكم ، من كام يوم نزلت بوست تحفيزي ليكم عن النجاح و الحقيقة فرحت اوي من استقبالكم للبوست و سبحان الله حسيت ناس كتير كانت مستنيه تسمع كلام زي دا".

وأضاف تامر حسني: "يا جماعة احنا في العصر الصعب دا بنواجه كمية حقد وغل وكراهية وطاقة سلبية مش طبيعيه لازم نرد عليها بالعكس لازم يكون في طاقة أكبر بترد على كل الإحباط دا، والحقيقة أن أنا عندي بعض الخبرات في الحياة من خلال رحلتي المتواضعة أحب أوصلها ليكم".

وتابع: "هحاول كل كام يوم اتناقش معاكم في موضوع او اقترح عليكم حاجه بعملها دايماً ، هبدأ بحاجه بعملها باستمرار وعلمتها للمقربين مني ومواظبين عليها من سنين، وهي انكم حالاً تستحضروا  ناس في دماغكم بتحبوهم وتدعولهم بأسمائهم في ظهر الغيب بكل اللي يتمنوه، وكل فترة نكررها ونثبتها زي ما بنثبت حاجات تانية في حياتنا مش بالاهميه دي، والله هتلاقوا تساهيل كتير حصلت مش هتعرفوا بتحصل منين يلا بينا دعوات".