نرصد ردود الأفعال حول أب ضرب ابنته بسبب التحرش

وقالت مبادرة ثورة البنات تعليقا على هذه الواقعة: " إن هذا الشخص لا يستحق لقب الأب، مش من حقه نهائي تحت أي ظرف من الظروف يتصرف بالطريقة الحقيرة دي مع بنته! مش من حقك تمد إيدك عليها ولا قدام الناس ولا من وراهم!!! بدل ما تجيب المتحرشين من قفاهم توديهم القسم اخترت إنك تعاقب البنت اللي أكيد أسوأ حاجة هو إنك تكون أبوها"!

"إزاي الناس دي بتتعامل مع نفسها على إنها طبيعية؟؟ انتوا مرضى نفسيا! عارفين يعني إيه؟؟ يعني عايزين تتعالجوا! أنتم مرضى ومحتاجين علاج!
بما فيهم الدكتور النفسي اللي استشاروا رأيه في تصرف الأب! يعني إيه تصرفه مش غريب؟ تصرفه غير طبيعي وبدل ما تبرر له اقترح أنه يتعالج"!

مش هو بس اللي اتعرض لصدمة!! فين شعور البنت بالصدمة من موقف التحرش وكمان موقف المدعى والدها؟؟؟ ليه دايما شعور الذكور بس هو اللي بيتاخد في الحسبان؟؟ فين شعورها هي؟؟ فين مامتها اللي كل رد فعلها حسبي الله ونعم الوكيل ومش في الأب؟...لا في المتحرشين بس...يعني هو تصرف زوجك ده عادي؟ شيء طبيعي إن لما رجولة ذكر تنقح عليه يطلع غضبه في بنته؟! أنت بتحملها هي مسئولية ضعفك وده أكبر دليل إنك غير سوي! لأن أي أب سوي مهما كانت شدة صدمته عمره ما كان هيمد إيده على بنته في الشارع ويلومها على حاجة حصلت غصب عنها"!

أنت غير سوي...أنت...والمتحرشون...والدكتور...والأم والمجتمع اللي دايما بيبرر كل تصرفات الذكور مهما كانت بشعة وغير طبيعية".

وقالت مبادرة كما تدين تدان:" قمة التخلف مش عشان أنت عاجز عن حمايتها ترمى عليها التهمة، ابنته تعرضت للتحرش أمامه فترك المتحرشين وانهال عليها ضربًا ".