متتكلمش عن الشعب الغلبان
محدش يتكلم عني كفاية أنا الغلبان
أنا الشعب فلاح وعامل أنا الحرمان
لا أنا علماني ولا ليبرالى ولا إخوان
أنا المصري وكل حلمي أعيش إنسان
أنا اللى نايم ع الرصيف
شايفنى عار مش نضيف
أنا ابن البلد دى
مش لاجئ فيها ولا ضيف
أنا اللى عايش ع السراب
أنا اللى باكل التراب
فين الحلم فين الأمل
قفلتوا في وشى كل باب
طول عمرى عايش بريء
ماشى بعزيمة قفلتوا الطريق
شوفوا حقى مش تحاربوا
غلبان مش حيلته أي شيء
