مسافر خلاص
مسافر خلاص ودعتها
ماشي والدموع وقتها
مش قادرة منها تسلم
وبتدعى لي من قلبها
ماشى لوحدي حزين
سايب ذكريات وسنين
وبقول يادنيا ليه
أنا ليا غيرها مين
عدت أيام وليالى
وصوتها جوايا بينادى
كل ما أحاول أقرب
ألقينى برجع تانى
أيام بتيجى وتروح
وأنا عايش فيها مجروح
إزاى أعيش من غيرها
دا هي ليا الروح
بقول ليه يا ظروف
زارعه جوايه الخوف
مشتاق وليه حرمانى
وأنا قلبى عليها ملهوف
بقول ياريت ما سافرت
ولا لحظة عنها بعدت
حسيت بصوت بينادى
لولا الشوق ما سمعت
بسرعة جريت عليها
والشوق سابقنى ليها
بالأحضان ضمتنى
والدموع في عينيها
الدنيا أبيعها عشانك
كفاية عليّ حنانك
قدر مكتوب علينا
وده حالى ودا حالك
قلتلها كفاية دموع
يا أمى أنا موجوع
مش هبعد تاني عنك
لو إنطفت كل الشموع
