محمد سامي يرد علي جمهور تامر حسني: معرفش ليه زعلانين مني
وجه المخرج محمد سامي رسالة لجمهور النجم تامر حسني بعد هجومهم عليه بسبب شكره للفنان عمرو دياب عبر صفحته الشخصية علي موقع التواصل الإجتماعي “فيس بوك”.
وكتب محمد سامي «انا معرفش ليه جمهور تامر حسني زعلان مني وقاعدين يشتموني علي كومنت كتبته علي عمرو دياب وبيفكروني بأفضال تامر واني هو اللي قدمني واللجان شغاله وانا عارف مين اللي بيكتب».
محمد سامي عن عمرو دياب: "نصيحته سر نجاحي"
وأضاف «معاني أنا مش محتاج تفكرني قصدي تفكروني ، انا دايما بشكر في تامر وتامر خطوه مهمه جدا في حياتي وقصرلي السكه كتير وضافلي ووشه كان خير عليا وبقول ده طول الوقت في البرامج و لكن مش معني اني اشكر في قيمه وقامه زي عمرو دياب انك قصدي انكم تشتمني قصدي تشتموني ، حتي لو سألتو تامر نفسو هيقولكوا عيب ، عشان دي مش اخلاق تامر انا أكتر واحد عارفه وعارف أخلاقه ، وكمان مش هينفع تكتبو اللي بتكتبوه بتاع معملتش حاجه الا أدم والكلام ده لأني تامر نفسه في مداخلات في برامج قال غير كده خالص ، رأي الفنان مش حكر علي حد ولا رد الجميل هو التقليل من القامات الكبيره زي عمرو دياب.
يذكر أن المخرج محمد سامي أعلن عن نصيحة وجهها له النجم عمرو دياب منذ سنوات مؤكداً أنها سر نجاحه الاَن.
