خالد سالم يكتب: الدخول للقلوب (قصيدة)

التصريح بالدخول

للقلوب له أصول

لو عصلج له حلول 

ان تكون

سهل ومقبول

تراعي الأصول

تقلل الفضول

تبتسم على طول

تكون أب وأم للخلول

نشيط مش كسول

وَسَط

لا ناشف ولا مبلول

كريم تقدم الحلول

ولحوم مش فول

والدهب مقبول

والأراضي والحقول

والقلب مغسول

تنال القبول

والود المعدول

عن الحقد معزول

بالأمل مغزول

زمان يقول

علاج الجفاف المحلول

علشان يستمر الحب 

ويطول

للقلوب ميول

لها جمال الخيول

وعنيدة بحقد العزول

وتقلب المعدول

تبعدك مع الديول

وتصيبك بالذبول

وصدمة الذهول

اعمل  لها بهلول

شوية نشاط

كفاية خمول

تكون حمول

تصرح تقول

تقرب تنول

تبعد تزول

اهتم وقول

تحبك يازول

بالسوداني

والمصري

افهم القول

تدخل القلوب

 بالحب على طول