النشطاء يسخرون من حال مصر في "اقترح اسم تانى لمصر".. محمد: هبة من غير النيل.. وسام: البلد التايهة.. مينا: المخروبة بأمر المرشد.. يوسف: إخوان لاند.. حازم: حمو النيل

"اقترح اسم تاني لمصر".. هاشتاج قام النشطاء بتدشينه يظهر مدى حالة السخط والغضب التي يعيشها الناس في مصر عن مجريات الأمور، وما وصلت إليه حال البلاد، مما انعكس على تعليقاتهم الساخرة والغاضبة في آن واحد، فالبعض اقترح أن يكون اسم مصر هبة بدون النيل، وآخرون فضلوا أن يكون اسمها أرض الإخوان، في حين رأي البعض أن تكون كما هي مصر التي ذُكرت في القرآن.
وقال محمد سعد" اقترح اسم تاني لمصر هبة من غير النيل لو فيها النيل كنت قولت هبة النيل بس بقت هبة بس"
وقال عزام "اقترح اسم تاني لمصر هبة محمود النيل"
وقال حازم جمال "اقترح اسم تاني لمصر حمو النيل (هبة النيل سابقا )"
قالت وسام كمرا "اقترح اسم تاني لمصر البلد التايهة"
معتز عبد المتعال قال "اقترح اسم تاني لمصر مصر برضه ده كفاية أن ربنا كرمها بذكرها في القرآن 5 مرات باللفظ الصريح". 
وقال يوسف شلبي "اقترح اسم تاني لمصر ربما روعة الاسم تكفي ثلاثة أحرف ليس لها بديل"
محمد عادل حافظ قالة "اقترح اسم تاني لمصر wonder land بلاد العجايب"
وقال مؤمن البرنس "اقترح اسم تاني لمصر Bald ELfatyyy بلاد الفتي"
وقال مينا نبية "اقترح اسم تاني لمصر الجمهورية الإخوانية الإرهابية المنحلة الانتهازية المخروبة بأمر المرشد"
أماني شاهين قالت "اقترح اسم تاني لمصر لا يوجد أجمل من (مصر) عشق القلوب.. (أم الأمم) (أرض الكنانة) (منارة الشرق) (معنى الوفاء) (مهبط الأديان والرسالات)"
جيهان العدلي قالت" اقترح اسم تاني لمصر إزاى أفكر ولو لحظة إنى اقترح اسم تانى لمصر اللى اسمها مذكور في القرآن الكريم"
الحجورتي قال "اقترح اسم تاني لمصر magic land أرض السحر"
حازم أحمد قال "اقترح اسم تاني لمصر Egypt"
وقال كريم خليل "اقترح اسم تاني لمصر جمهورية مصر العربية والشريعة"
وقال أحمد هوبا "اقترح اسم تاني لمصر الخلاط"
وقالت LoyaltyRespectMoral ‏ "اقترح اسم تاني لمصر هاشتاج غبي صراحة.. مفيش أحلي من الاسم إلى اختاره ربنا ليها"
وقال إسلام صلاح "اقترح اسم تاني لمصر نوال السنجة ريهام"
وقال كريم غرابود "اقترح اسم تاني لمصر خلطبيطة"
وقال أبو أمجد شوبكشي كــــندا !! "اقترح اسم تاني لمصر وأهو رايح فين جاي منين ؟ رايح كندا جاي من كندا !"
مايك جاكوب قال "اقترح اسم تاني لمصر السجن الأحمر....أصل الناس يا إما في السجن يا إما دمهم في الأرض.. " قصر" عشان هي عبارة عن قصر كل حاكم ييجي يقعد حبة ويمشي.."
وقال كريم ميخائيل "اقترح اسم تاني لمصر "كشك سجاير" لأنها فعلًا كشك بيتْحكِّم فيه الحكام.. زى ما بيتحكم صاحب الكشك!"
وقال محمد منعم "اقترح اسم تاني لمصر حد بيختار بلده أو بيختار أمه مينفعش هي كده عجبانى بحلوها ومرها زي ماهى بحبها"
وقال عبد الرحمن حبيب "اقترح اسم تاني لمصر مديحة"
وقالت داليا ياسر "اقترح اسم تاني لمصر المخروبة"
وقال محمد قوشته "اقترح اسم تاني لمصر يا سمراا"
وقال أحمد ريبك "اقترح اسم تاني لمصر أشجان"
أحمد يوسف قال "اقترح اسم تاني لمصر إخوان لاند"