أمينة خليل تعيش حالة نفسية سيئة: «شعور عالي بالتقل»
عبرت الفنانة أمينة خليل، عن حالتها النفسية التي تعيشها في الوقت الراهن بسبب الضغوطات التي تمر بها، وذلك من خلال منشور على صفحتها الشخصية على "فيس بوك".
وكتبت "أمينة"، "الكبت والضغط النفسي هيوصلك لمرحلة مريبة جدًا من "الاضطراب النفسي".. مرحلة كل حاجة وعكسها اللي هو مش بتعمل حاجة بس مش فاضي.. حاسس بالوحدة بس مش عايز تكلم حد.. تيجي ع بالك أغنية وتحب تسمعها تشغلها ف الهاند فري وتتفاجئ إنها خلصت من غير ما تسمع كلمة منها.. تشغل الفيلم اللي بتحبه وتفصله ف نصه.. تعمل القهوة أو النسكافيه بتاعك وتسيبه لحد ما يبرد قدامك.. عندك خطط كتير بس مش وقتها.. مفيش حاجة مبهرة أو حاجة تشد انتباهك أو تخطفك".
وأضافت: "شعور عالي بالتقل "انت اللي تقيل ع نفسك مش حد تاني".. حاسس بحالة من انعدام الشعور بكيانك زي ما تكون مش موجود "هواء".. مستنى حاجة بس مش عارف إيه هي وامتى وفين وليه ومع مين.. شعور اللى هو انت هنا أهو موجود بس عقلك وذهنك في وادي تاني خالص... ودي اسوأ مرحلة ممكن تمر بيها".
يذكر أن آخر أعمال "أمينة"، هو مسلسل لا تطفئ الشمس، والذي شاركها في بطولته كل من ميرفت أمين ومحمد ممدوح وأحمد مالك وفتحي عبد الوهاب وريهام عبد الغفور وسلمى أبو ضيف، والقصة من تأليف احسان عبد القدوس، وسيناريو وحوار تامر حبيب وإخراج محمد شاكر خضير.
