«عبوري» قصيدة للشاعر محمد عبد الرحيم
والعبور عندى..
عبور قلبك
ولما أشوف عيون وعدك
عبورى منتهى فرحك
عبورى يلتئم جرحك
عبورى تبقى فوق صرحك
اميره فوق قلوب سارحه
عبورى الضحكة والفرحة
عبورى الوردة ف الطرحة
عبورى لو الآمال طارحة
تغطى الدمع والاوجاع
عبورى يبقى قلبى شجاع
عبورى حب ما يتباع
عبورى إن أحلى صراع
يكون علشان أغنيلك
عبور للدنيا واجيلك
عبورى إن أبقى أنا دليلك
عبورى قلبى ما يسيبك
ومهما يكون إيه اللى صار
عبورى أكتم الأسرار
عبورى أعدى م الأعصار
عبورى ف حب ما بينهار
عبورى ارتبط بيكِ
عبورى أحلى مافيكِ
يكون القصة ف عنيكِ
واضحى بفرحى وأفديكِ
عشان تطمنى بيا
عبورى ضحكة منسية
تقرب ليكِ وعنيا
تشوف فيها آمال جايه
عبورى تفرحى تانى
