بالفيديو.. «فيتو» تسأل طلاب الجامعة عن معنى كلمة «مُزة».. «رانيا»: «بيتريقوا بيها على البنات».. «هدي»: «بترجع للقرود».. «عبير»: &#

لغة الشباب العصري بها عدد كبير من الكلمات، التي أصبحت من المصطلحات المتعارف عليها بينهم، وليس لها معنى في اللغة العربية، وتستخدم بصورة شائعة.

«مُزة» من أكثر الكلمات التي من الممكن أن تطرق سمعك يوميًا سواء في الطريق العام أو وسيلة المواصلات، أو داخل الجامعات بل امتدت إلى داخل المنزل المصري.

استطلعت عدسة "فيتو" آراء طلاب جامعة القاهرة حول أصل كلمة «مزة».

بترجع للقرود
قالت رانيا سمير: "كلمة على طول الولاد بتقولها للبنت علشان يتريقوا بها على البنات"، فيما قالت نورا محمد: "أعتقد اللي اخترعها كان شايف الموز أحلى حاجة وقمة الجمال فيه، علشان كده قالها لكل بنت حلوة يقابلها في الشارع"، فيما قالت هدي مختار: "بيرجع أصلها لولد كان قاعد يأكل قرد موز فقلها يا مزة".

من كلمة وزة
وأشارت عبير محمد: "أعتقد أنها حاجة من كلمة وزة"، وعبرت هند سيد: "الاسم ده بيرجع لولد كان ماشي في الشارع فلقي موزة في الشارع قال إيه ده مزة" فيما قال على ماهر: "والله المعاكسة بتختلف من بنت لبنت يعني بنت لازم أقلها مزة وواحدة تاني أقولها ياغزال يا غزال"، وقال سيد محمد: "دي كلمة بقولها لأي بنت عايز أعاكسها علشان تتضحك".

للبنات الحلوة
وقال مجدي محمود: "أي بنت بشوفها لازم أعاكسها أقرب كلمة للساني بتكون مزة"، وأضاف مختار محمد: "كلمة بنقولها للبنت الجميلة ولو وحشة في كلام تاني".