بالفيديو والصور.. مواطنون: «ملابس العيد للأغنياء بس مش للشعب»
اقترب عيد الفطر المبارك، ومع اقترابه بدأ الناس للنزول إلى الأسواق لشراء مستلزمات العيد، وخصوصًا الملابس.
عدسة "فيتو" رصدت الأسواق ومحال وسط البلد والشوارع المحيطة بها لتلاحظ آراء المواطنين وتعليقاتهم على شراء ملابس العيد هذا العام.
كانت الجملة الرئيسية لمعظم من تحدثنا معهم هو أن الملابس هذا العام غالية السعر جدًا، وأنها لا تشجع المواطن على الشراء، وتقول سيدة ذهبت إلى منطقة "وسط البلد" لشراء ملابس لبنتيها: "معايا بنتين وزي ما انتم شايفين الفستان الواحد بيوصل سعره لـ300 و400 جنيه"، متسائلة: "إزاي أجيب للبنتين فساتين ولسه الحذاء والشنطة كمان.. طيب هنجيب منين فلوس لكل ده" ؟
زوج يرافق زوجته، أكد لنا أن ارتفاع الأسعار أمر لا يمكن أن يتحمله التاجر وحده: "إحنا لازم نستحمل الأزمات دي علشان البلد تستقر"، حسب كلامه الذي عارضته زوجته قائلة: "لا الهدوم غالية أوي علينا السنة دي ومش عارفين نجيب حاجة للعيال".
سيدة أخرى رصدت معاناتها لـ "فيتو " بالقول: أنا بانزل وسط البلد مش علشان اشتري لأن الأسعار غالية جدًا ومش هأقدر على تمنها.. أنا بانزل علشان أعرف الأذواق الجديدة في اللبس، ولما انزل الوكالة أعرف اشتري حاجة كويسة لبنتي ماشية مع الموضة اللى موجودة في المحال"، معقبة "ملابس العيد هذا العام للأغنياء بس مش للشعب".
