خالد سالم يكتب: لو كنت شجرة.. صامدة وشاكرة

لو كنت شجرة
صامدة وصابرة
لله حامدة وشاكرة
في الحر والمطرة
بالريح تفيد الحركة
جذور تدور قطرة
أوراق  فيها الخضرة
عطرة ونضرة
عمري ليلى ونهاري فاكره
متشابهة الأيام.. مفيش ندرة
بالفاكهة.. حباني ربي بركة
في ظلي  نوم وسكنة
وقلبي أعشاش حركة
رسموا قلوب عاشقة
وألف فكرة لبكرة
أوراقي عيون صفرة
تعود في يوم  خضرة
فصول تدور بكرة
طيور كثير نكره
صياد بعيون ماكرة
ما احب  يوم ولا أكره
أخاف كتير.. ما انا شجرة
طوبة بإيد خطره
ماليش في أي خطوه
أنا دايما مجرد فكرة
للبشر عبرة
افاعي.. قرود وحشرة
في الأصل أنا وابني شتلة
 مع الطيور  والبشر عشره
في الحب وفراق كسرة
وبعد الموت حسرة  
خشب عروسة.. وفرحة
كرسي ودولاب وسفرة
أنتريه ونيش تحفة
ومع الزمن بكون فحمه
أنشر الدفا عبرة
وما في لي أي ذكرى
غير اسمي.. مجرد شجرة