Advertisements
Advertisements
الأربعاء 14 أبريل 2021...2 رمضان 1442 الجريدة الورقية
Advertisements
Advertisements

نفسي أقول لك يا صاحبي إن في أشرار | ساخرون

ساخرون ابين زين
ابين زين

فريد طه

أبين زين

أبين زين.. وأقول على المستخبي واللي مش معروف.. وأضرب في ودعي.. وتمللي بادعي والمستخبي بقوله ع المكشوف

أقول لك إيه واللا إيه الرمل فيه أسرار.. ونفسي أقول لك ياصاحبي إن فيه أشرار..

واللي حدث للشعوب ثورة على الفجار.. وقتل من ينزل الشارع دمار في دمار..

والكل بيحذرك من غدر ليل ونهار.. فتّح عينك البلد في تحدي واستنكار..

وبلاش تَمَسُك بسلطة ما عدش فيه أعذار.. خليك يامصري مصحصح فيه وراك أحرار..

أمن الوطن والمواطن ليس فيه استهتار.. وبقول لجيشنا وقيادته وكافة الثوار..

الثورة مش ميكروفون ولا اعتراض لقرار.. الثورة قوة إرادة وتضحية وإصرار..

ومصر هي الوحيدة في كافة الأقطار.. اللي اسمها جه في كتاب ربنا المختار..

وأنا أحذر وأقول إن الوطن له تار.. واللي اعتدي في يوم لابد يواجه الأحرار..

ويا مصر أنت الوحيدة حتصبحي في عمار.. وشدي حيلك يا مصر إن هبْ يوم إعصار..

والحكم إيه واللا إيه شد الحزام واختار.. إحنا بمواجهة ما بين الجنة أو في النار..

وأنا قلت كل اللي عندي استرها ياستار.. والثورة ثورة وبُكرة نكمل المشوار..

وكلامي صعب وشديد بيشق كالمنشار.. وأنا قلت رأيي وخلاص وحقوله باستمرار..

وألف رحمة على الشهداء وأرواحهم ومصر عمار.. وأنا بُكرة راجع لكم إن طالت الأعمار.
Advertisements
Advertisements
Advertisements
Advertisements