Advertisements
Advertisements
الإثنين 17 مايو 2021...5 شوال 1442 الجريدة الورقية
Advertisements
Advertisements

كهربا: هرد على ميدو في الملعب.. ومجدي عبد الغني يخليه في الترنجات

رياضة 20778139681618859811
كهربا

محمد طاهر أبو الجود

رد محمود عبد المنعم كهربا لاعب النادي الأهلي، على هجوم أحمد حسام ميدو ومجدي عبد الغني عليه الفترة الأخيرة.

أزمة ميدو

وقال "كهربا" خلال  الجزء الثاني من لقائه من برنامج "العرافة" المذاع على قناة "المحور":" لو قابلت ميدو في أي مكان مش هسلم عليه وماكنش يعرف يهاجمني وأنا في الزمالك لأنه كان بيخاف، وأنا مش بتاع شو إعلامي، ومش صاحب لقطة ومش محتاج انى اخد لقطة".

احترام تي شيرت الأهلي

وأضاف: "لسه قدامى عمر وقادر أعمل كتير مع النادي الأهلي ومينفعش كل يوم ميدو يقعد يسخن عليا الناس، ولكن احتراما لـ تي شيرت النادي الأهلي مش هرد على حد ولكن الرد في الملعب واللى يتكلم يتكلم وربنا يسامحه".

رضا عبد العال

وعن انتقاد رضا عبد العال له، قال:"مفيش بيني وبين رضا عبد العال أي عداوة وهو حبيبي وكنت عايز أزوره في المستشفي لما تعب وسألت عليه".

مجدي عبد الغني

وعلق "كهربا" على اتهام مجدي عبد الغني له بأنه يسهر حتى أوقات متأخرة وتعريض نفسه للإصابة بكورونا، قائلا: "خليه يفتكر ترنجات المنتخب اللى خدها".

كهربا

وقال محمود عبد المنعم كهربا لاعب النادي الأهلي، إنه بعد انضمامه للقلعة الحمراء تغيرت شخصيته للأفضل.

إنسان جديد

وتابع خلال الجزء الثاني من لقائه ببرنامج "العرافة" المذاع على قناة "المحور":"كهربا القديم مش موجود واتولدت من جديد في الأهلي وأنا ابن النهارده واللى فات مات ومفيش مشكلات تاني".

الرحيل عن الأهلي

وعلق "كهربا" علي انتقاد الإعلامي مهيب عبد الهادي له، قائلًا:"
يعرف منين الأهلي صبر عليا ولا مصبرش وكل معلوماته كدب، ومبكلمهوش ولا هكلمه تاني، ولا صحة لما تردد عن نية النادي الأهلي في بيعي نهاية الموسم، وأمير توفيق لا يبحث لي عن عرض خارجي".

نقد إبراهيم سعيد

ورد "كهربا" علي انتقاد ابراهيم سعيد، قائلًا: "مش هرد علي انتقاد وسخرية ابراهيم سعيد ليا لأنه بعيد عن الكرة وبتجنب آراءه ومبحبش
أتفرج عليه".

نهاية المسيرة

وأكد: "زعلت جدا على صالح جمعة لما مشي من الأهلي ومش خايف من مصيره وهو ممكن يرجع الأهلي تاني.. أنا هختم مسيرتي في النادي الأهلي حتي سن الـ37  وعمرى ما أرجع الزمالك ولو الأهلي مشاني هخرج ألعب برا مصر".
Advertisements
Advertisements
Advertisements
Advertisements