عمرو أديب: رئيس الوزراء مش عارف الفرق بين اليومين والشهرين في قطع الكهرباء (فيديو)
انقطاع الكهرباء، قال الإعلامي عمرو أديب: "رئيس الوزراء قال الأسبوع الجاي الكهرباء مش هتقطع وبعدين طلع تاني قال قدامنا أغسطس وسبتمبر كده مكملين قطع، يومين غير شهرين".
مشكلة رؤية وتخطيط الحكومة في ازمة انقطاع الكهرباء
وأضاف خلال برنامج "الحكاية" المذاع على قناة "أم بي سي مصر": "لما يطلع رئيس الوزراء يوم الخميس اللي فات ويقولك قدامنا كده على قطع الكهرباء لأغسطس وسبتمبر، طيب الفرق بين يومين وشهرين ايه؟ انا مش معترض إن الكهربا بتتقطع لسبب أو اَخر اهي ظروف، ولكن فين التخطيط؟ فين الرؤية؟ فين المعلومة؟ رئيس وزراء مصر مش عارف الفرق بين الأسبوع الجاي وكمان شهرين".
السيناريو الأسوأ في ازمة انقطاع الكهرباء
ولفت: "من ساعتين قالوا اغسطس هو الأسوأ وهيبقى صعب والسيناريو الأسوأ نصف ستبمبر انا مش معترض، ولكن المصريين وصلوا لمرحلة إن فيه مشكلة في الكهرباء بس قولنا امتى هيتقطع ونهاية الانقطاع امتى، فيه شعب أعظم من كده".
أغرب تصريح للحكومة بشأن انقطاع الكهرباء
وأشار: "اتقالنا أغرب حاجة درجة حرارة أعلى من 35 درجة الكهربا هتقطع طيب وهي أي محطة في الدنيا فوق الـ35 درجة بيخففوا أحمال، والكل حمل المسئولية لرئيس الوزراء وشال الشيلة، احنا بنتكلم انك عندك أزمة كهربا قرب شهرين، سؤال ليه؟ يقولك ما هو ضغ الغاز لأ مش ضغط الغاز انت معندكش وقود مفيش مازوت".
السيناريو الأسوأ في انقطاعات الكهرباء
وأكد في تصريحات تليفزيونية المتحدث بإسم مجلس الوزراء السفير نادر سعد: "اسوأ سيناريو لأزمة انقطاعات الكهرباء حتى منتصف سبتمبر حيث يستمر الضغط على الغاز والوقود الموجه لمحطات الكهرباء لذلك ستمتد عمليات تخفيف الأحمال، معقبًا: "الأصعب في انقطاعات الكهرباء ستكون في أغسطس المقبل وكلما تحسين الظروف المناخية وتراجعت درجات الحرارة ستتحسن الأمور".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوداث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
