محيي إسماعيل يكشف سر تفوق محمد سعد على الزعيم ومفاجأة عن زويل (فيديو)
كشف الفنان محيى اسماعيل، مفاجأة عن تفوق الفنان محمد سعد على الزعيم عادل إمام والفنان الراحل سمير غانم، في الكوميديا.
نجم الكوميديا
وقال محيي إسماعيل خلال لقائه ببرنامج "انا والقناع" المذاع علي قناة "الحياة":"محمد سعد قدم حاجات في الكوميديا مقدمهاش ولا عملها عادل إمام ولا سمير غانم، هو بيلعب بجسمه كتير ولما بشوفه بموت من الضحك".
نجاح محمد سعد
وتابع:"محمد سعد من خلال الكوميديا اللى قدمها قدر يستقطب فئات كتير لفنه وخاصة الأطفال والشباب وهو بيضحك الأطفال".
قصة طريفة مع الدكتور أحمد زويل
ومن جانب آخر أشار:"انا كنت بزور الله يرحمه الدكتور أحمد زويل في أمريكا، لما كنت في بنسلفانيا لمدة 3 شهور فجأة قالولي علي فكرة ساكن هنا جنبك الدكتور زويل وهو كمان من البحيرة زيك، فروحت كحب استطلاع وخبطت علي باب بيته فطلعولي ناس قلت لهم لو الدكتور هان قولوله محيى اسماعيل وهو كان اتفرج لي قبلها علي فيلم في مصر ففوجئت لقيته قدامي فقاللى تعالى ناكل لقمة في نيويورك، وبعدين قاللى نفسك في ايه فقلت نفسك في جميع اسطوانات إلفيس بريسلي، فقاللى طيب تعالى نشتريهملك روحنا دخلنا محل وبدأ يجيبولي اسطوانات إلفيس بريسلي ولما رجعت لمصر وزعتها علي اصحابي فجأة كل واحد قالولي ده الاسطوانة مبتشغلش فروحت متصل بالدكتور زويل وقلت ده الاسطوانات مبتشتغلش فقاللى دي شيكولاتة علي هيئة اسطوانة، قالى لي اي واحد يقولك الاسطوانة مبتشتغلش قوله كلها".
قصة محيي إسماعيل مع الحب
وفي نفس اللقاء، قال الفنان محيى اسماعيل: "أنا إنسان ضعيف وشخصيتي ضعيفة وحساس جدا وعاطفي ومتنيل على عينه لما أحب".
وتابع: "أنا حبيب جدا ومخونش حبيبتي إلا مع الأكل، وأنا ممكن أحب فرخة، لو هاختار قناع أحب اختار قناع الرئيس أنور السادات لأنه كان راجل حلو وعظيم وضحى بنفسه وحقق حاجات كتير لمصر".
رفض محيى إسماعيل لأدوار مهمة
وأضاف محيي إسماعيل: "رفضت أدوار مهمة في أفلام مهمة لإني شايف أني أكتر أهمية من الدور وده من باب الاقتناع وليس قناع، أنا عمري ما ندمت على حاجة".
مشكلة محيى إسماعيل مع صلاح جاهين
ولفت: "مش شرط الفتى الأول للشاشة يكون جميل فلاقيت صلاح جاهين بيحاول يبعدني عن ده وبعد مرور سنوات وسنوات طلع الأشكال اللى هي مش جميلة وانا منهم وبقوا نجوم شباك ومنهم عادل إمام ويحيى الفخراني".
فيلم خلي بالك من زوزو
وأشار: "مكنش فيه خلاف بيني وبين صلاح جاهين بدليل أني اشتركت في فيلم خلي بالك من زوزو برغم أن الدور صغير".
و نقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
