حسن يوسف: لما قلت هعتزل الفن وأشتغل أي حاجة اتنصب عليا والشيخ الشعراوي أنقذني

قال الفنان حسن يوسف: "لما قلت هعتزل الفن وأشتغل أي حاجة اتنصب عليا، وفشلت فشلًا ذريعًا، والشيخ الشعراوي قال لي ماتشتغلش في اللي ماتفهمش فيه".

أرض إسماعيلية والحارس النصاب

وأضاف خلال لقائه ببرنامج "كلام الناس"المذاع على قناة "MBC مصر": "أخدت 20 فدانًا في الإسماعيلية، وبعدين ربنا رزقني بحارس الله يسامحه وهو محترف، وكل لما أزوره ألاقيه محضرلي ورقة طويلة بيها مصاريف وأنا مش فاهم حاجة خالص وأديله اللى هو عايزة ولما أروح أشوف ألاقي الأرض صفراء ومفيش زرع ويتحججلي بحجج واهية، وجيلتله 8 عجول فرزين من وزارة الزراعة علشان يسمن وأبيع لبن ومفيش شهرين 3 يقوللي العجول ماتوا، موتهم كلهم ما عدا 3 لحقتهم وقلت لواحد صاحبي كبابجي.. والحارس اللي في الأرض اللي جنبي قاللي أن حارس أرضي سارقني وفي فرح بنته دبح عجلًا".

نصيحة الشيخ الشعراوي

وتابع: "قلت للشيخ الشعراوي على اللي حصلي في الإسماعيلية قاللي أنت أصلك مزارع أو فلاح فقلت له لأ فقاللى متشتغلش حاجة إلا اللي ربنا سخرك ليها إيه اللي يحدفك الحدفة دي فقاللي بيع الأرض وأخلص وخسرت 7 آلاف جنيه في الأرض اللي اشترتها في أوائل السبعينيات".

الشيخ متولي الشعراوي يشرح فضائل رمضان

الشيخ متولي الشعراوي يشرح لماذا سمى شهر الصيام بـ رمضان

حقيقة عودة شمس البارودي للتمثيل

وأكد الفنان حسن يوسف في حديث سابق، خلال مداخلة هاتفية ببرنامج "حضرة المواطن" الذي يقدمه الكاتب الصحفي سيد علي بقناة "الحدث اليوم": أنه لا صحة لما تردد ونشر عن عودة شمس البارودي للتمثيل مجددًا أو عدولها عن قرار الاعتزال.

الهجوم علي شمس البارودي

وتابع: "شمس البارودي مبتعدة تمامًا عن الأضواء أو الإدلاء بأي أحاديث إعلامية، وعندما نُشر خبر عودتها للتمثيل تعرضت لوابل من الشتائم والسباب والهجوم عليها برغم أنها لم ولن تعود للتمثيل".