بالفيديو.. شاب يسخر من علاقات الأولاد بالبنات

نشر شاب يدعى «مصطفى البنا»، على صفحته بموقع التواصل الاجتماعي «فيس بوك»، مقطع فيديو بعنوان «الشخصيات المستفزة»، يسخر فيه من الشباب الذين ينسون أصدقاءهم بعد ارتباطهم بإحدى الفتيات.

وقال «البنا»: «تلاقي الواد من دول مبيردش على التليفون إلا قدامك لأنه عارف إنك سينجل.. ويفضل يقولها قومي صلي وأقري قرآن ويعمل شيخ عشان ربنا كرمه بواحدة وينسى أصحابه».

وأضاف: «والعيال اللي بتكب بوستات مستفزة على فيس بوك وتلاقيه كاتبلك عن نظرتها وحاططلي 3 قلوب.. وفي الآخر هيتجوز واحدة حولة.. وتلاقي البنات داخلة بتقول يا رب أوعدنا بواحد زيه».

وتابع: «لما تعزم البنت من دول على الفطار تقولك عايزة تشيز كيك من أبو 8 جنيه.. وأول ما تجيبهولها تاخد منه معلقة وتقولك خلاص أصل أنا عاملة دايت.. نفسي أفهم دايت إيه ده أنت بتفطري طبيخ وبتشربي من الحلة».