نشطاء «تويتر» يسخرون من افتتاح ديسكو بكفرالشيخ.. «أحمد»: «إحنا كفرنا الشيخ».. «خالد»: «عقبالنا في المنصورة».. «بيتر»: «ما تسبها تنحرف ي

نشطاء «تويتر» يسخرون من افتتاح ديسكو بكفر الشيخ.. «أحمد»: «إحنا كفرنا الشيخ».. «خالد»: «عقبالنا في المنصورة».. «بيتر»: «ما تسيبها تنحرف يا أخي».. «هشام»: «استهدوا بالله وادونا العنوان».. و«بيج باد»: «البلد بتتطور».

أثار خبر افتتاح أول صالة ديسكو في محافظة كفر الشيخ، ردود أفعال ساخرة من قبل نشطاء مواقع التواصل الاجتماعي، الذين دشنوا هاشتاج "كفر الشيخ بتنحرف".

وجذب الهاشتاج كثير من النشطاء متصدرًا تراند مصر على موقع التواصل الاجتماعي «تويتر»، وسخر النشطاء من افتتاح الديسكو في المحافظة، قائلين: "البلد اللي كفرت الشيخ مش بعيد تفتح ديسكو".

«أحنا كفرنا الشيخ» 
وقال أحمد الفضالي: " يعنى إحنا كفرنا الشيخ، مش هيحصل حاجة لو بقى عندنا ديسكو"، وأضاف د. حكيمو: "كفر الشيخ بتنحرف عاوز أحفل بس حبايبى كفراوية ههههههههه".

وتابع أحمد سيد: "ديسكو ف كفر الشيخ يا مرجان بيه طالما تحت ايدينا واشرافنا إيه المانع"، ورد خالد شستر: "عقبالنا في المنصورة عشان تخرب".

وعلق بيتر رشاد: "كفر الشيخ بتنحرف.. طب ما تسبها تنحرف يا أخي! أنت مالك!"، وسخر أحمد هشام: "كفر الشيخ بتنحرف استهدوا بالله وادونا العنوان".

البلد فيها تطور
وقال ذا ماركتر: "يا تري التيكت معاه ويلكم درينك بوظه ولا حمص الشام ويا ترى الجيرل فري برضو ولا الدخول ببطاقة التموين ارحمونا فقعتونا"، وأضاف أحمد مكي: "كفر الشيخ بتنحرف.. المحافظة تحولك للمديرية والمديرية تحولك للمركز والمركز يحولك للبلينة البلينة دى اللى فيها الديسكو".

وتابع بيج باد: "كفر الشيخ بتنحرف.. ما شاء الله البلد فيها تطور"، وعلق أحمد الأحمد: "كفر الشيخ بتنحرف... وهي كانت على الطريق المستقيم عشان تنحرف".

تجديد
ورد أحمد صلاح: " اهو بدل الخليفة والنبوي نجدد شويه ونعمل ديسكو واهو كله جـديـد وحصري"، وسخر على أبو محمد: " أقيمو عليها الحد.. كفر الشيخ بتنحرف".

فرصة
وقالت أسماء شاهين: "فرصتنا جت لحد عندنا مش هنفلح في التعليم وإحنا عارفين بينا ع الديسكو"، وردت هبة الله: "ديسكو ايه دانتو بتنامو من العشا".

وأضاف محمد صالح: "زمان صاحب الدسكو زعلان جدا أن مرسي مش موجود كان زمانو رخصلو ثلاث سنوات على الأقل"، وتابع أحمد القليوبي: "بيقولك الرواتب ٩٠٠٠ جنيه بيكسبوا بقي الفتاحات دوول طب مفيش فتاحين رجالة".

وعلقت ليانو سالوم: "كفر الشيخ بتنحرف.. لوووولي وصلنا لقمة الانحراف ياابله"، وقالت مُهرة: "ديسكو إيه بس ده اسمها لوحده انحراف دول كفروا الشيخ ياجدع".

وأضاف سعود السبيعي: "كفر الشيخ بتنحرف.. كل من عمايل شرم الشيخ"، وتابع حسن التاسع: "في هجرة لكفر الشيخ يارجالة؟!!".

وعلق أبو زيد الهلالي: "طب افتتاح الديسكو امتي عشان نيجي نعمل واجب"، ورد على كايروكي: "كفر الشيخ بتنحرف.. الحق يا أستاذ رمضان كفر الشيخ بقا فيها دسكو يا سنه سوخه.. بصوت محمد هندى في فيلم رمضان أبو العالمين حموده".