أيوة كنت..
أيوة كنت أنا بين دراعه
لما شاورت بالغرام
كنت أقرب حد باعه
وانطرد برة الكــــلام
سابلي صدمة وشبه أزمة
ولازمة... ما سابتنيش أوام
شدني م الحضن فجأة
كان ضروري أشعر ببرد
واما مديت أيدي اســــند
ما التقيتش أنا جنبي حـــد
التفت لقيته عاشق
شفتها فـ نفــس الدراع
حتى صدقت أنه صادق
وعده ليها... مافيش وداع
كان حقيقي بجد مقنع
مستحيل ما تصدقوش
كان مثالي وهو يخدع
كان جمال مليان رتوش
قلبي احسن اختيارك
كل نوبه تكون فاشوش
لو نصيبك تاني تعشق
شوف عيون ما بيكدبوش
