استرجل

بلاش شرب السجاير
والشيشة والحشيش
هتشكى من الخساير
والصحة كمان مفيش

بلاش أكل الشوارع
ومعاكسة البنات
متعملش فيها صايع
وانت ليك إخوات

خليك دايما راجل
وأد كلمتك
اقف في وش الباطل
متبعش ذمتك

مش معنى إن إنت فاضى
تجيب في سيرة الناس
لو كنت شايفها عادى
هتشرب نفس الكأس

احترم الأكبر منك
مش مهم هوه مين
هوه يعنى الأصغر منك
بيتعلم منين

لو مرة واحد آمنك
إياك في مرة تخونه
كفاية إنه ضمنك
حافظ عليه وصونه