"رصاصة في قلبك ياللي تخون الوطن".. قصيدة لممدوح السباعي
أطلّ علينا الشاعر ممدوح السباعي، بقصيدة جديدة بعنوان "رصاصة في قلبك يا اللي تخون الوطن"، قال فيها:
رصاصة ف قلبك يا اللي مليت
العيون دمع وشجن
اللي بين ضلوعك دا قلب
ولا حتة حجر
شفتوا يا بشر
دمعة الطفل اليتيم
لما من صغره شارك ف المحن
رصاصة ف قلبك يا اللي
تخون الوطن
شفتوا أم بتموت م الألم
والأب بيصلي الجنازة على جثة
ملفوفة ف علم
اكتب يا قلم
وامسح دمعتك واوعاك تموت
خلي جبال الصمت تتكلم
قبل ما عمرك يفوت
اكتب عن مينا اللي مات في سينا
ورصاصة الغدر اللي صابت حسن
رصاصة ف قلبك يا اللي
تخون الوطن
