زوجة "دومة": "زوجي" اتحبس بأمر من وزير الداخلية

قالت نورهان حفظي، زوجة الناشط السياسي، أحمد دومة: "مع اقتراب موعد جلسة استئناف أحمد متنسوش أحمد متحبسش عشان قانون التظاهر.. أحمد مدعاش للتظاهر أصلًا، أحمد اتحبس بأمر من اللواء محمد إبراهيم، وزير الداخلية بعد انتقاده له كتير الفترة اللي فاتت خصوصا بعد رمي البنات في الصحرا".

وتابعت على صفحتها بموقع "فيس بوك"، اليوم الأحد:"متنسوش كمان كل شهادات الشهود برأت أحمد وقالت إنه مكنش موجود في الاشتباكات مع الأمن وكان بداخل المحكمة ما عدا 6 مجندين هما اللي أدانوه.. شير وافضحوهم".

وأضافت "نورهان": "ولأن السلطة دي مفضوحة فعلا قالتلك إحنا عملنا قانون التظاهر عشان مظاهرات الإخوان المخربة وحبست بيه ثوار يناير ومن غير حتى ما يتظاهروا".