"فريق الكورة الإسلامي" يثير سخرية نشطاء تويتر..العسيلي: الفريق الوحيد في العالم اللي عنده مفتي لازم يوافق على التشكيل..صابرين: قتلونا واحنا بنلعب.. حيرفضوا لقب فريق علشان السيسي
انتقد نشطاء المواقع الإلكترونية تجار الدين ومصطلحاتهم الدينية التي أقحموها في السياسية في هشتاج جديد باسم "فريق الكورة الإسلامي" متخيلين المصطلحات الدينية مع فريق كرة إسلامي، وهو الهشتاج الذي أثار نشطاء الجماعات الإسلامية، ووجدوه تهكما على الدين والإسلام دون النظر لمعانى التغريدات وإسقاطتها على فكر الجماعات الإسلامية.
Ahmad El Esseily : #فريق_الكورة_الإسلامي حيبقى الفريق الوحيد في العالم اللي حيبقى عنده مفتي لازم يوافق على التشكيل وخطة اللعب قبل الماتشات.
ثورة كلاكيت تاني مرة: #فريق_الكورة_الإسلامي ده اللي هنعمله بعد ما نرجع الخلافة وهيبقي أحد سبل نشر الدعوة في العالم بإذن الله.
tamer: التسلل حلال بما لا يخالف شرع الله #فريق_الكورة_الإسلامي، وفي تغريدة أخرى #فريق_الكورة_الإسلامي عالمرمى رايحين أهداف بالملايين
صابرين: قتلونا واحنا بنلعب #فريق_الكورة_الإسلامي
السينمائى: #فريق_الكورة_الإسلامي هيشتروا الهدوم من التوحيد والنور.. وبدل الشرط سروال قصير من عند الكعب
الحائر بمزاجه: أنا مش بشجع #فريق_الكورة_الإسلامي..أنا بس باحترمهم
Lava: #فريق_الكورة_الإسلامي بعد ما الماتش يخلص مش هيبدلوا التيشرتات عشان الفتنة
الحياد خيانة: #فريق_الكورة_الإسلامي هيرفضوا لقب فريق عشان ال CC
ياكشِ تِولعْ : قالك التصويب على القبلة مش المرمي! #سفالة #فريق_الكورة_الإسلامي
Mona elAshry : #فريق_الكورة_الإسلامي أول شرط للمدرب في اختيار اللعيبة هو الكرش.. مفيش كرش مش هتلعب
♪♫SharMooFer♫♪ : أي كورة هيشوطوها هتبقا جون عشان اللاعب كان في نيته يجيبها جون.. والأعمال بالنيات والمتسلل هيتعمل معاه الجلاشة
ماتصدقنيش: #فريق_الكورة_الإسلامي اللي يجيله رباط صليبي يقام عليه الحد
عاشقة الجيش المصرى: ضربات الجزاء خلوه غير شرعية للاعب مع الكورة #فريق_الكورة_الإسلامي
MoRo: #فريق_الكورة_الإسلامي الانفراد بالجون حرام شرعًا..
Mo3tazz: #فريق_الكورة_الإسلامي يا يكسب، يا يكفّر الحكم.
pop_revo: #فريق_الكورة_الإسلامي لو جات ضربة جزاء الماتش يوقف واللاعب اللى هيشوط يطلع يسأل المرشد أحطها يمين ولا شمال
حرة يا مصر: #فريق_الكورة_الإسلامي هيعمل فصل بين الجهور الرجال والنساء
basem men: أول فريق هيطيع المدرب طاعة عمياء ولو فكرت الإدارة تشيله يعملو اعتصام
UnnameD : #فريق_الكورة_الإسلامي راية الأوفسايد هتكون بعلم الجهاد وتطبيق حد الحرابه على المتسلل
Medhat Sweillam : هما برضه اللى بيسجدوا لو جه فيهم جون بيقولوا قضا أخف من قضا حد كان عارف إيه اللى ممكن يحصل #فريق_الكورة_الإسلامي
mohamed ali taha: تحريم الهجمة المرتدة #فريق_الكورة_الإسلامي
Essar Mounir: ومن الجدير بالذكر أن أسباب استحالة أن يحقق #فريق_الكورة_الإسلامي أي إنجاز هي نفس أسباب فشلهم في السياسة، فكر إنت بس
مع نفسي: #فريق_الكورة_الإسلامي هايوهموا الجمهور إنهم 200 لاعب مع إنهم 10 والجون بس
Waleed Abdellah : الجزيرة الرياضية هاتقول انهم كسبانبن 8-صفر.. في حين أن الحقيقة أن هما انسحبوا أصلا !! #فريق_الكورة_الإسلامي
Mona elAshry : #فريق_الكورة_الإسلامي لو اتغلب هيولع في الملعب ويضرب نار عشوائي عالجمهور
وجاءت رد فعل نشطاء الجماعات الإسلامية بين النصيحة والسب لفكرة الهشتاج ومن شارك فيه
البارون: #فريق_الكورة_الإسلامي >> هاشتاج مستفز جدا وفيه تلميحات سخيفه عـ الإسلام نفسه بلاش الخلط الغبى ده !
مصطفى: هاش تاج مستفز ومعظم الناس معديه حدودها بما يعتبر استهزأ بالإسلام بنكره المتاسلمين بس منسناش أننا مسلمين! #فريق_الكورة_الإسلامي
أبو مسلمة: #فريق_الكورة_الإسلامي هاش تاج معمول عشان يخليك تشتم في أي حاجة آخرها إسلامي حتى لو أي كلام مخترعه عسيلى
