ياسمين رئيس: مليش في الجسم الكيرفي واللي يجرح كرامتي حبه ميلزمنيش (فيديو)
قالت الفنانة ياسمين رئيس:"تخنت قبل كده 7 كيلو أو أكتر ومكنتش حابة شكلي خالص ومكنش لايق عليا علشان كده أنا ضد موضة تغيير شكل جسمي لكيرفي".
مشكلة ياسمين رئيس مع الوزن الزائد
وأضافت خلال الجزء الثاني من لقائها ببرنامج "حبر سري" الذي تقدمه أسما إبراهيم بقناة "القاهرة والناس":"مش هيليق عليا الجسم الكيرفي، ولو جالي دور بنت مليانة مش هاعرف أتخن له ومهما كلت مش هعرف والفترة اللي أنا تخنت فيها علشان مكنتش باكل إلا حاجات معينة كلها بتخن وقعدت في لبنان كان الأكل كله دقيق أبيض ومعجنات ومناقيش فكنت عايشة على الحاجات دي فتخنت ولكن مش هعرف أكرر التجربة".
رأي ياسمين رئيس في غيرة الرجل
ولفتت ياسمين رئيس:"أنا مش عيلة صغيرة علشان أرتبط برجل يقولي أعمل ومتعمليش والبسي ده ومتلبسيش، أنا رقيبة علي نفسي، ومقبلش علي نفسي حد يوجهني طول الوقت ومجربتش الوضع ده قبل كده، ومعتقدش النوع ده مش هيجي في طريقي".
كرامة ياسمين رئيس في العلاقات العاطفية
وأكدت ياسمين رئيس:"أنا ممكن اسيب اي راجل بحبه لو جرح كرامتي وأي ست لو حد جرح كرامتها لازم تمشي".
في نفس اللقاء، كشفت الفنانة ياسمين رئيس، موقفها من العمل مع طليقها المخرج هادي الباجوري، موضحة:"هقولهم أقرأ النص الأول ولو الدور عجبني هسألهم هتدفعوا كام؟".
ياسمين رئيس تكشف شرط عملها مع هادي الباجوري
وتابعت خلال الجزء الثاني من لقائها ببرنامج "حبر سري" الذي تقدمه الإعلامية أسما إبراهيم بقناة "القاهرة والناس":"أنا في الآخر أحب أشتغل دور حلو مع مخرج كويس وشاطر وناس تظهرني بشكل كويس وبكل تأكيد لازم اقرأ الورق وأنا عارفة أن هادي الباجوري هيعمل فيلم حلو".
أفلام ياسمين رئيس ونجاح فيلم فتاة المصنع
ولفتت ياسمين رئيس:"ليا فيلمين اترشحوا للأوسكار، وفيلم فتاة المصنع مع المخرج الراحل محمد خان أول عمل عملته واترشحت فيه وأخدت فيه 6 جوائز من عدة مهرجانات في مصر والسويد ودبي".
و نقدم لكم من خلال موقع (فيتو)، تغطية ورصد مستمر علي مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
