يعنى إيه هندسه زراعيه؟؟

ثانويه عامه... شعبه هندسيه... امتحانات... نتيجه... دراسه بلا عنوان.
نور عملتى ايه في النتيجه ؟
الحمد لله يا سلمى انا جبت 90 %.
بجد ألف مبروك. وناويه على ايه إن شاء الله ؟
بفكر ادخل هندسه زراعيه، بيقولوا ليها مستقبل.
أيوه بس الزراعه بيدخلوها علمى علوم بس وكمان دى مجموعها 60%.
لا يا بنتى انا مش داخله زراعه دى هندسه زراعيه.
....يعنى ايه يعنى هندسه زراعيه ؟
يعنى انا وزملائى اللى هنعمل الالات الزراعيه ونصمم شبكات الرى والصرف وكمان نصنع المحاصيل الزراعيه بعد حصدها.
ايه برده يعنى ايه ؟ يعنى ليكوا كليه اسمها هندسه زراعيه ؟
لأ احنا شعبه تبع كليه الزراعه.... بس شعبه مستقله مجموعنا لوحده ودراستنا لوحدها.
ازاى تبع زراعه وازاى مستقله ؟!!
"سلمى تسأل ونور لا تعرف الإجابة، هل من أحد يجيد الإجابة ؟
يعنى ايه هندسة زراعية ؟؟؟؟؟؟؟
يعنى زراعة ؟! بس زراعه للشعبة العلمية والهندسة الزراعية للشعبة الهندسية ،بس زراعه بيدخلوها ب60% والهندسه الزراعيه الحد الأدنى ليها 90%.

لا نجد تفسيرا لما يحدث معنا، نحن طلاب هندسه زراعيه ونحصل على بكالوريوس علوم زراعيه!، فجميع الطلبه نادمين على دخولهم لتلك الكليه لأنها ليست كليه مستقله، إنما هي قسم يتبع كليه أخرى.

للعلم الهندسه الزراعيه هي أمل مصر في السنوات القادمه، نتمني من الدولة أن تنقذ أبناءها وتساعدهم ليتمكنوا من تقديم مساعدة لها في المستقبل.