كم معجبة تتصل بك.. أبو جبل: التليفون هينفجر.. وغيرت كل أرقامي | فيديو
ردَّ محمد أبو جبل، حارس مرمى نادي الزمالك ومنتخب مصر، على السؤال الصعب بشأن كم معجبة تتصل به منذ انتهاء بطولة الأمم الأفريقية في الكاميرون التي أجاد فيها.
انفجار هاتف أبو جبل
وأكد أبو جبل، خلال لقائه ببرنامج "كلام الناس" الذي تقدمه ياسمين عز بقناة "إم بي سي مصر": "التليفون هينفجر، وغيَّرت كل أرقامي".
المعجبات بـ أبو جبل
وتابع: "تليفوني هينفجر من المعجبات، وغيَّرت رقمي مرتين من بعد بطولة أفريقيا، وعندي مشكلة إن حد يتصل وأنا نايم، ومبردش على الأرقام الغريبة، ولكن لما بلاقي رقم بيزن في الاتصال برد".
كشف محمد أبو جبل، حارس مرمى نادي الزمالك، في نفس اللقاء، كواليس مشاجرته مع جماهير الفارس الأبيض عقب الخسارة من الوداد المغربي.
مشاجرة أبو جبل مع جماهير الزمالك
وأوضح: "بعد الخسارة من الوداد المغربي اتصور لي خناقة مع الجمهور في الشارع، وكنت حزينًا على اللي حصل، والجمهور كسر لي العربية، واتشتمت بأفظع الشتائم اللي محدش يقدر يستحملها، وواحد من الجمهور واقف قدام العربية مش عايز يتحرك أدوسه مينفعش فنزلت، وقلت حقكم عليا فاتشتمت، وقاللي انتو لعيبة مينفعش تفضلوا في النادي".
انقلاب الجماهير على أبو جبل
وأكمل: "مش عارف الجمهور قلب عليا ليه من الحارس اللي في السما بعد بطولة أمم أفريقيا، وبعد كده نزلوني في سابع أرض".
وقال محمد أبو جبل، حارس مرمى نادي الزمالك، في نفس اللقاء: "أنا باق مع الزمالك، وليس صحيحًا ما تردد عن توقيعي لنادي النصر السعودي".
تنازلات أبو جبل مع الزمالك
وتابع: "أنا ملتزم بعقدي مع نادي الزمالك، وباق في بيتي الأساسي، وقدَّمت تنازلات كتيرة علشان أرجع للزمالك من سموحة ومنهم عقود احتراف ألغيتها كلها".
تجديد عقد أبو جبل
وأكد: "قسمًا بالله ما حصل إنى طلبت مليون دولار في الموسم علشان أجدد مع نادي الزمالك، ومش هغالي على نادي الزمالك، ولما رجعت للنادي وقعت على بياض، بس كان فيه وعد إن عقدي يتغير لما أشارك بصفة أساسية، وأنا كنت جاي حارس تالت والجمهور قال عني دي صفقة فاشلة، ولكن كان عندي إصرار أكون حارس أول، وتفوقت على نفسي وعلى الظروف اللي حواليا ودلوقتي أنا أساسي في نادي الزمالك".
