السيسي: "على عيني اللي إحنا فيه.. وربنا وحده اللي يعلم" | فيديو
قال الرئيس عبد الفتاح السيسي: "نحن بحاجة إلى توفير السلع الأساسية للناس وتحسين حياتهم في الصحة والتعليم والإسكان والتشغيل".
توفير فرص تشغيل
وأضاف خلال مداخلة هاتفية ببرنامج "من مصر" الذي يقدمه الإعلامي عمرو خليل بقناة "سي بي سي": أن المشروعات التي تقوم بها الدولة حاليًا الهدف منها توفير فرص تشغيل للناس.
المشروعات المنفذة في البلد
ولفت: حجم العمل الموجود في البلد هو ما أتاح الفرصة للناس من خلال المشروعات التي تنفذها الشركات، معقبًا: "على عيني اللي إحنا فيه وربنا وحده اللي يعلم وربنا يقوينا جميعًا".
وقال الرئيس عبد الفتاح السيسي في نفس المداخلة: "أنا مسئول عن المصريين وعلشان كده مقدرش أغفل أو أتجاوز أي حاجة تيجي قدام عيني لأني هتحاسب قدام ربنا سبحانه وتعالى لو شوفت وطنشت أو سكت".
التخفيف عن المصريين
وتابع خلال مداخلة هاتفية ببرنامج "من مصر" الذي يقدمه الإعلامي عمرو خليل بقناة "سي بي سي": "فيه مشاكل كتيرة وفيه بيوت كتير وناس كتير في مصر عندها مشاكل أكيد بس على الأقل أشوفهم وأساعد في حل مشاكلهم، وأتمنى أننا كلنا كمصريين ومسئولين أن نبقى عارفين إن اللى هيخفف عن حد ربنا هيخفف عنه.. وهنقف قدام ربنا ويمكن كلمة وشفاعة من أخت ست زي السيدة محروسة تبقى شفاعة طيبة تقول لما شافنا حاول يحل ويساعد، وربنا وحده اللي يعلم أننا مش عايزين حد محتاج أو محووج بس إحنا ظروفنا صعبة أوي وخلوا الناس الطيبة تدعى إن ربنا يفرجها علينا".
مساعدة المحتاجين
وأضاف الرئيس السيسي: "لما يفرجها علينا هنفرج على الناس كلها ومش هنسيب حد، وفيه مئات الألوف محتاجين المساعدة ومش شايفنهم ويمكن صوتهم مبيوصلناش ولكن ربنا يعلم أني شايفهم وحاسس بيهم وبجري على قد ما ربنا يقدر".
