سيد معوض لمصطفى محمد: عملنا جميل معاك ولم نستبعدك وكان سهل نخلص عليك
تحدث سيد معوض، المدرب المساعد السابق لمنتخب مصر، عن تأخر حضور مصطفى محمد لاعب جالطة سراي لمعسكر منتخب مصر الأخير.
وقال "معوض" خلال استضافته في برنامج "الماتش" الذي يقدمه الإعلامي هاني حتحوت عبر شاشة صدى البلد: "المعسكر ده له ظروف خاصة، بعد ما بعتنا أسامي المحترفين كان في 2 لعيبة كوكا ومصطفى محمد عندهم عروض من أندية تانية".
وتابع: "مصطفى كان وضعه أصعب شوية من كوكا علشان القيد في فرنسا هيقفل بدري عن تركيا".
وواصل: "كوكا قال أنه هيتأخر علشان العروض، لكن مصطفى محمد مقالش، غاب يوم والتاني، واكتشفنا أنه في فرنسا بيعمل الكشف الطبي وبكده تأكد غيابه عن المباراة الأولى".
وأضاف: "مصطفى وصل يوم المباراة، لو أنا كجهاز فني عاوز أخلص عليك هطلع أتكلم وأخرجك من المعسكر، ده ماتش كأس عالم، لو عاوز أخلص كان سهل، ده قميص منتخب مصر وحلم لأي حد وشرف لأي حد يكون موجود".
وأردف: "مصطفى اتمرن تاني يوم الصبح، رحنا الجابون لعب معانا، اللي حصل بعد الجول السؤال هو عمله ليه؟".
واستمر في تصريحاته: "الجهاز الفني عمل جميل معاك ولم يستبعدك والأمور عدت، مفيش حاجة في المنتخب اسمها حجز أماكن، هو ومحمد شريف بتتنافسوا على المركز وهو كان بقاله 4 أو 5 أيام مش بيتمرن ومحمد شريف بيسجل مع المنتخب، انت عاوز تيجي متاخر وتيجي تلعب أساسي كمان؟".
واختتم سيد معوض تصريحاته: "كوكا أتأخر يوم وجه متكلمش ومفيش صوت، ممكن تبقى عايش في دور أنا عديت المرحلة دي، لكن تشوف واحد من أفضل 3 لعيبة في العالم وهو محمد صلاح مش بتسمع صوته سواء قبل ما يكون الكابتن أو بعدها".
24 لاعبًا بقائمة المنتخب الوطني
أعلن الجهاز الفني للمنتخب الوطني بقيادة كارلوس كيروش المدير الفني قائمة أسماء اللاعبين المختارين للانضمام إلى معسكر المنتخب استعدادًا لمباراة ليبيريا الودية المقرر إقامتها في التاسعة مساء الخميس المقبل بإستاد الجيش ببرج العرب.
وتضم القائمة 24 لاعبًا هم:
حراس المرمى:
محمد الشناوي (الأهلي)، محمد أبو جبل (الزمالك)، محمد بسام (طلائع الجيش)، محمد صبحي (فاركو).
المدافعون:
أحمد فتوح (الزمالك)، محمد عبد الشافي (الزمالك)، محمود حمدي - الونش - (الزمالك)، أيمن أشرف (الأهلي)، علي جبر (بيراميدز)، باهر المحمدي (الإسماعيلي)، أحمد توفيق (بيراميدز)، أكرم توفيق (الأهلي).
لاعبو الوسط:
حمدي فتحي (الأهلي)، عمرو السولية (الأهلي)، طارق حامد (الزمالك )، مهند لاشين (طلائع الجيش)، محمد مجدي - أفشة - (الأهلي)، عبد الله السعيد (بيراميدز).
المهاجمون:
محمد شريف (الأهلي)، مصطفى فتحي (الزمالك)، رمضان صبحي (بيراميدز)، إبراهيم عادل (بيراميدز)، أحمد سيد - زيزو - (الزمالك)، أحمد سمير (طلائع الجيش).
قرر الاتحاد الدولي لكرة القدم إقامة مباراة مصر وليبيا ضمن الجولة الثالثة للمجموعة السادسة لتصفيات أفريقيا المؤهلة لكأس العالم في التاسعة مساء يوم 8 أكتوبر المقبل، كما قرر إقامة مباراة الفريقين ضمن الجولة الرابعة في بني غازي في التاسعة مساءً (الثامنة في ليبيا) يوم 11 أكتوبر.
إعلان أسماء المحترفين
أعلن الجهاز الفني للمنتخب الوطني بقيادة كارلوس كيروش القائمة المبدئية لأسماء اللاعبين المحترفين بالخارج الذين سيتم استدعاء عدد منهم للانضمام إلى معسكر المنتخب استعدادًا للقائي منتخب ليبيا ضمن الجولتين الثالثة والرابعة للمجموعة السادسة لتصفيات أفريقيا لكأس العالم.. والقائمة المبدئية تضم كلا من:
محمد صلاح (ليفربول الإنجليزي)، أحمد حجازي (الاتحاد السعودي )، أحمد حسن كوكا (كونيا سبور التركي)، محمد النني (أرسنال الإنجليزي)، مصطفى محمد ( جالطة سراي التركي)، سامي مرسي (ايبسويتش الانجليزي)، عمر مرموش (شتوتجارت الألماني)، أحمد ياسر ريان (ألتاي سبور التركي)، كريم حافظ (يني مالتيا التركي).
