عبد الله أحمد عبد الله يكتب: اضحك للدنيا

نشرت مجلة صباح الخير عام 1966 قصيدة كتبها الصحفى الناقد عبد الله أحمد عبد الله الشهير بميكى ماوس ينصح فيها البشر بالضحك (اضحك للدنيا) فيقول:
أيوه اضحك..مش بالأمر.. ولا هو استخفاف بالأمر
لكن اضحك بمزاجك يا بنى.. ولا يهمك زيد ولا عمرو
حاتقولى ده وقت الضحك.. وأنا لسه في وسط الجمر
مش ناقص إلا تقولى.. دور لى موسيقى وطبل وزمر
واسمح لى يا سيدى أعارضك.. وافهمنى بس في عارضك
وياك أن احنا في حرب.. أنا فاهم وعارف طبعا غرضك
لكن ايه المانع إنك تضحك ؟.. وفى عز ماتحرس أرضك
وفى عز ما تحمي حماها.. اضحك بمزاجك برضك
الأزمة والمحنة، وايه المحنة.. مش يمكن دى في صالحنا
الضحك يروق بالنا وبيصفيه..وساعتها نشوف مصالحنا
من صدمة مش راح نتزعزع.. ولا حاتغلبنا المحنة
لو حاجة تهز نفسنا وإيماننا.. كنا احنا ما نبقاش احنا