صورة تذكارية تجمع عبد الناصر والعندليب الأسمر في عيد الثورة

صورة تذكارية نادرة للرئيس جمال عبد الناصر في احتفالات العيد العاشر للثورة عام 1962 نشرتها مجلة الكواكب وهو يهنئ المطرب الشاب عبد الحليم حافظ على أدائه في أغنية مطالب شعب.

وكان الرئيس جمال عبد الناصر حضر الاحتفال الذي أحياه المطرب الفنان عبد الحليم حافظ بتقديمه أغنية من كلمات أحمد شفيق كامل ولحن كمال الطويل باسم (مطالب شعب) تقول كلماتها :
طريق الثورة طريق النصر..عاش الجيش وتعيشي يا مصر
من يوم ما بدأت ثورتنا..ما عرفنا غير عودتنا
ويوماتي النصر مع كل خطاوينا
بلد الأحرار كلها ثوار ولا ينذل شعبها فيها.. ولا كلمة
ياللي العروبة محوشاك لأماني كبيرة.. ياللي القدر باعت معاك أمجاد كثيرة
النهارده إحنا عايشين في انتظار ده
من النهارده كل عامل له نصيب في مصنعه
من النهارده كل فلاح له قيراطه بيزرعه
من النهارده وخير بلدنا للشعب كله بأجمعه
بالعمل بالدم حنصون انتصارنا..كل واحد فينا ناصر يحمي ديارنا
باسم الشعب يابطل الشعب
باسم الشعب بحاله.. باسم كفاحه وباسم آماله
باسم أمل أفريقيا وآسيا في الحرية
باسم شعوب الثايرة على التبعية
باسم حياد.. باسم سلام مايجيش حرب
باسم جهادنا باسم الخير يا جمال الحب
عايزين.. عايزين يا أمل ملايين.. يا ضمير الخير في البشرية
يا واخدنا لنور الحرية.. لطريق أمجادنا القومية
يا قايدها لهيب من أعصابك من قليلك من دم شبابك
زودنا الحمل على كتافك وطلبنا.. وتعيش ونطالبك يا ناصر
قدها وقدود، يا بطل موعود.. يا حبيب الشعب يا ناصر