أيمن بهجت قمر: الزملكاوية كانوا سندا لي وعمري ما هنسى وقفتهم معي
علق الشاعر الغنائي أيمن بهجت قمر، على مشكلته الأخيرة مع عدد من جمهور النادي الأهلي، بعد تعاقده مع تركي آل الشيخ رئيس هيئة الترفيه السعودية، ومالك نادي بيراميدز.
وكتب "قمر" عبر صفحته على "فيس بوك" منذ قليل: "من عجايب القدر أو بمعنى أصح من جدعنة المصريين في مشكلتي مع بعض المتعصبين من جماهير الأهلي اللي هاجموني وشتموني على مدار أسبوعين بسبب تعاقدي مع هيئة الترفيه اللي بيمثلها صديقي المستشار تركي آل الشيخ اللي بكن له كل احترام زي بالظبط ما بكن كل احترام وتقدير للكابتن محمود الخطيب اللي عمري ما أتخيل أن حد يتخيل إني أسيئ إليه، أو لناديه الأهلي اللي بشجعه من وأنا طفل وأي كلام اتقال ظلم وافترى وتلفيق، وجوجل موجود.. أرجع للنقطة الأساسية إن جماهير الزمالك وقفوا جنبي وبقوا بيقولوا لهم ده أهلاوي بتهاجموه ازاي ! وكانوا سند بصراحه".
وتابع الشاعر الغنائي قائلًا: "عشان كده أنا أخدت عهد على نفسي إني بعد كده برغم تشجيعي للأهلي وعشقي له هراعي مشاعر أي مشجع زملكاوي صديق أو غريب، وعمري ما هنسى لهم وقفتهم جنبي وحقيقي محبتهم في قلبي، زي بالظبط محبتي لجمهور الأهلي بس الجمهور الواعي اللي بيقرأ ويفهم ويقيم مع كامل احترامي لجماهير مصر كلها".
