فيفي عبده: محافظة على صحتي ومبشربش خمرة
قالت الفنانة فيفي عبده: إنها لم ترقص مطلقًا ببدل رقص عارية، مضيفة أن الرقص يعد فنًا محترمًا وليس مجالًا للتعري.
وتابعت: "طول عمري أنا وسهير زكي ونجوى فؤاد وزيزي مصطفى بنلبس بلوزات وبنعتبر نفسنا في فاترينة ومفيش حد بيلمسنا وإحنا بنرقص، ومش متعودين نلبس الملط زي اللي حاصل دلوقتي.. والرقص دلوقتى مين اللى يعري أكتر، وزمان مكنش فيه كدا".
وأضافت خلال حوارها مع الإعلامي عمرو أديب، ببرنامج "الحكاية"، المذاع على قناة "إم بي سي مصر"، أنه عند سماعها الموسيقى من أغاني كوكب الشرق أم كلثوم على المسرح تقوم بترجمتها إلى وصلة رقص جمالية تعشقها وتحبها العين، مستطردة: "لما بطلع أوروبا علشان أرقص وأعلم البنات هناك الرقص بيعتبروني زي موسيقار الأجيال عبد الوهاب وبيقولوا الدكتورة جاءت لنا".
وعن غياب الراقصات المصريات وظهور الأجنبيات في مصر، قالت: "إحنا زي القرع بنمد لبرا.. وإحنا اللى معلمين كل البنات دول ومنهم صافيناز".
وأكدت أنها تحافظ على صحتها جيدًا ولا تشرب الخمور، والسبب وراء تدخين الشيشة فقط منذ وقت اشتراكها في فيلم "المزاج" مع الفنانة مديحة كامل، وزوجها هو من علمها كيفية شرب الشيشة لتجيد تمثيل المشهد.
وأوضحت فيفي أنها تعشق الرقص منذ الصغر، ووالدتها كانت تغضب لذلك وتقوم بضربها.
