خالد الجندي يحذر من مقولة «ربك رب قلوب» (فيديو)

حذر الشيخ خالد الجندي، الداعية الإسلامي، من قول "ربك رب قلوب"، مشيرًا إلى أن الناس ترددها وكأنها قرآن، دون علم وفهم.

وتابع الجندي، خلال حلقة برنامج "لعلهم يفقهون"، المذاع على فضائية "dmc": "اللى يقول الجملة دى، أبلغ رد عليه، ربك رب قلوب ويد وعنين ورجلين، وكل شيء في جسم الإنسان وكل الجوارح، يعنى أنت قلبك سليم وعينك لا تغض البصر بيكون إزاي ده، القلب سليم لكن الجوارح تخطئ".

ومن جانبه، قال الشيخ رمضان عبدالمعز، الداعية الإسلامى: "والله أنا مش فاهم، أومال ربنا رب إيه، كل ما آجى اتكلم مع حد يقول الجملة دى، يعنى لما آجى أقول لواحدة اتحجبى تقولى كده".