إللــىّ بـنـى مـصـر
اللي بنى مصر سامع م الكلام طراطيش
من ناس بسيطة وغويطة مابتْخبِّيش
شاهد عيان انجرح من نار ولاد بلده
ف وسط سينا الليّ مِتباعَه لكين بما فيش
تايهين في موج الكلام والعدُو شغَّال
عمال يكوِّش علي سينا ويبني آمال
وبعد حبَّه «علي قوله» حايفصلها
وتبقى هيّ «البديل» ويقطعوا الأوصال
أطفال حارتنا الصغار عارفين ومش غافلين
يقوم ما يعرفشي حرِّيفة ركوب الدين؟
قالوا اللي سارق رغيف يقطعُوله إيديه
طب واللي سارق بلدنا.. يقطعوله إيه؟
