النشطاء يتذكرون "السادات" فى تحرير سيناء بهاشتاج "لو السادات كان عايش".. أحمد: يقدر يعمل إصلاح اقتصادى.. محمد: مرسى كان حيموّته بالضغط.. علا: كان زمان الإخوان مجرد اسم لكائنات لم نرها بعد
لم يفوّت النشطاء مناسبة تحرير سيناء دونما أن يتذكروا الرئيس الراحل السادات بتدشين "هاشتاج" خاص بعنوان "لو كان السادات عايش"، فبعضهم أكد أن السادات لو كان عايش كان الإخوان دخلوا السجن، فى حين رأى آخرون أن السادات هو الذى كان يمكنه تحقيق النهضة الحقيقية للبلد.
أحمد مجدى: "لو كان السادات عايش كان هو الوحيد اللى يقدر يعمل إصلاح اقتصادى".
وقال محمد فايز أحمد: "لو كان السادات عايش كان حيشوف مرسى ف حيموت بالضغط".
وقال محمد رمضان: "كان حسنى مبارك مش هيقرفنا 30 سنة لو كان السادات عايش".
وقال أحمد صلاح: "يا ريت الناس تقرأ التاريخ عشان تعرف إن السادات لم يكن له كل هذا الفضل، على العكس ده لبّسنا فى الحيط.. لو كان السادات عايش".
عمر الداود قال: "لو كان السادات عايش كان زمان مصر ليها مكانة وسط العالم كله".
وقال ممدوح ألبير: "لو كان السادات عايش كان زمانه عدى التسعين سنة وبينافس صباح". وقالت علا السجينى: "كان زمان الإخوان مجرد اسم لكائنات لم نرها بعد.. لو كان السادات عايش".
وقال محسن حاتم: "لو كان السادات عايش مكنش ده بقى حالنا، بس الحمد لله".
وقال ألفا ALFA : "لو كان السادات عايش... باى باى مبارك".
أيمن القشطى قال: "لو كان السادات عايش كنتم وكنا وكانوا يتعلمون ويدرسون يومياته، الله يرحمه ويحسن إليه، ويحمى البلد من الكلاب مسكين عظمة".
وقالت Queen Aya : "لو كان السادات عايش كان لبّسكم طُرَح وغوايش".
وقالت بسنت البارودى: "كان زمنا ناهضين من بدرى.. ما كنت عمرى فكرت أسيب البلد.. لو كان السادات عايش".
وقال محمد ناويتو: "لو كان السادات عايش.. ياريت بأه نفكر فى الحاضر والمستقبل وفاكس الماضى والأحلام.. كان زمانه بيعرف يقول خطابات على الأقل".
وقال Home_tresor : "كل سنة وانت طيب يا شعب بيقتل نفسه وعايز تعويض، كل سنة وانت طيب يا جيش وشرطة متبهدلين وشايفين إخواتكو بيموتو مبتتكلموش.. لو كان السادات عايش".
وقال أمير حسن: "لو كان السادات عايش.. كان حط جبهة الإنقاذ والزند وعبد المجيد محمود والإعلاميين كلهم فى السجن".
وقال عصام أحمد: "لو كان السادات عايش كانت الفئران ما طلعتش من جحورها".
وقال أحمد منصور: "لو كان السادات عايش كانت مصر هتبقى أحسن بلد فى العالم".
وقال omnouna : "لو كان السادات عايش كان زماننا بننافس كوريا".
وقال محمد عصام: "كل سنة وأنت طيب يا جيش مصر، يا ترى مرسى احتفل بالنصر ولا بقتله السادات.. لو كان السادات عايش كان محى ونضّف القصر".
وقال in 50 "شاى فى الخمسينة": لو كان السادات عايش كان بعت سلاح الجو المصرى دمّر سد النهضة الإثيوبى، وبعدين هيقعد يتفاوض زى أى معلم".
وقال أيمن: "لو كان السادات عايش كان زمان الإخوان فى السجون ومحدش سمعلهم صوت". وقالت عزة طارق 66: "لو كان السادات عايش كان زمان الإخوان فى السجون ومحدش سمعلهم صوت".
وقال عمرو روشا: "لو كان السادات عايش ما كنش حد سمع عن بطل الحرب الحقيقى سعد الدين الشاذلى".
وقال أحمد مختار 26: "لو كان السادات عايش مكانشى هتقدر دولة تيجى على مصر، مكنشى هتقدر دولة من دول الخليج تتكبر، مكنشى هيبقى فى إخوانى وسلفى رافع راسو".
