إيمي سالم مدافعة عن حورية فرغلي: «الرحمة انعدمت قوي ربنا يقويكي»
أعلنت الفنانة إيمى سالم عن غضبها من الهجوم على حورية فرغلى والسخرية المتكررة من شكلها وأنفها، وذلك عبر حسابها على موقع التواصل الاجتماعى"فيس بوك".
إيمى أعلنت دعمها لحورية، وانتقدت مهاجميها والساخرين منها بعد حوارها مع الإعلامي عمرو أديب، قائلة: "بعد ما شفت كم مش طبيعي من الهري والشتيمة والتريقة على حورية فرغلي وحوارها مع عمرو أديب، وعلى فكرة أنا معرفهاش شخصيًا بس أعرف كتير عنها".
وتابعت: "هو احنا جرالنا إيه ولا خلاص ما بقاش عندنا مشكلات واحدة اتمرمط عمليات واتاخد عظم من جمجمتها ومن ضلعها ومنخيرها اتدمرت بسبب حادثة مش عشان هي غاوية تجميل، وشالت الرحم يعني مش هتخلف وعاشت سنتين بتتحرك بكانيولا في إيدها وبرضه مش سايبنها في حالها".
وأضافت: "هي الرحمة انعدمت قوي كده ربنا يقويكي يا حورية ولا يهمك من فيروس تفاهات الفراغ اللي صاب ٩٠٪ من الناس وربنا يكرمك قوي أخدتي حسنات كتير في الـ٤٨ ساعة اللى فاتت أعوذ بالله من النفوس اللي مش بترحم".
