أحمد راتب يكشف سبب حبسه 9 أيام خلال دراسته
قال الفنان أحمد راتب أنه سُجن 9 أيام خلال دراسته في كلية الهندسة بـ«الصدفة»، وهي الواقعة التي قرر ألا يتحدث في السياسة من بعدها.
وأضاف «راتب»، خلال حواره مع الإعلاميات مفيدة شيحة ومنى عبد الغني وسهير جودة ببرنامج «الستات مابيعرفوش يكدبوا» المذاع على فضائية «cbc»: «كنت طالب بكلية الهندسة وكانت الطلبة معترضة على القرارات اللي طلعت بعد النكسة، وطلعوا ياخدوا ناس من المدرج والكل بيجري، اللي يخرج من باب الكلية كان بينط أوتوماتيك في بوكس كان قدام الباب بالظبط فاتخدت كده».
واستكمل: «عملوا تحقيقات وبقوا يخرجوا اللي مالهمش دعوة كل كام يوم شوية، بعد ما خرجت فاكر نفسي معتقل سياسي بقى ورحت قعدت على قهوة في التحرير مالقتش حد بيبصلي أو مهتم ضحكت وقلت أنا بحب التمثيل همثل وبس».
