بالصورة.. خناقة جديدة على الساحة الرياضية.. صالح جمعة يهاجم إبراهيم فايق: «عمرك ما هتبقى صاحبي وضميرك المهني غايب».. والإعلامي يرد: «سهرك في الكباريهات مخليك مش عارف تتكلم وصورك وفضايحك

هاجم صالح جمعة، صانع ألعاب النادي الأهلي، الإعلامي إبراهيم فايق على حسابه الشخصي عبر موقع التواصل الاجتماعي «تويتر»، واتهمه بأنه يهاجمه لمجرد عدم رده عليه، وأنه يسعى ليكون صديقه، وهو يرفض ذلك.

الضمير الإعلامي
وقال "صالح" على حسابه: «عاوز تعرف مستوى الكدب والفبركة وصل إلى أين؟! طب عاوز تعرف يعني إيه تظبَّط لعِّيب وتخلص على لعيب تاني؟! عاوز تعرف يعني إيه ضمير إعلامي غايب ويعني إيه أدوس على اللاعبين اللي مبيرودش عليك؟ ويعني إيه ظبَّط الحبايب؟.. عمرك ما هتبقى صاحبي، وعمرك ما هتقعد معايا، وعمرك ما هتنفرد بخبر مني، عشان شغلك عن طريق إننا أصحاب، ودخولي لقائمة مباراة بكره أكبر إثبات على فشلك كإعلامي!.. دعواتكم بكره».

وكان إبراهيم فايق هاجم صالح جمعة، وأكد في برنامجه أنه تم توقيع عقوبة مالية كبيرة عليه، وأنه مهدد بالإيقاف لنهاية الموسم بسبب سهره وتدخينه الشيشة وشربه للخمور، ما جعل صالح جمعة يرد عليه عبر «تويتر».

الكباريهات
فيما شن الإعلامي إبراهيم فايق هجومًا على صالح جمعة، لاعب النادي الأهلي، عبر حسابه الشخصي على «تويتر»، ردًّا على مهاجمة "صالح" له.

وقال فايق: «حيث كده بقى.. بص يا حبيبي، إنت لا صاحبي ولا يشرفني أصلًا.. أنا عارف إن السهر في الكباريهات للصبح مش مخليك عارف تفوق أصلًا، اللي بتشربه كتير.. جمهور الأهلي كبير أوي، ومفيش لعيب أخلاقه كانت سيئة عرف يضحك عليه.. اقرأ التاريخ كويس.. سوابقك وصورك وفضايحك سابقاك.. وجمهور الأهلي قافشك، وعقوباتك اللي فاتت متسجلة.. اللي زيك سراب هيعدي ومحدش هيفتكره عشان مش مقدر نعمة الأهلي.. وللتاريخ سيد عبد الحفيظ قالك بالنص آخر مرة وحذرك من السهر في الكباريهات.. ومن كام يوم رمى لك تليفونه وقالك اتفرج.. واتفرجت على كوارثك، ووصلت العقوبة للإدارة المالية، وانت قعدت تتحايل عليه وتقوله كتير يا كابتن.. ولفيت ع الناس تسأل هو فيه عقوبة كده؟».

كان "فايق" صرح في برنامجه أن "صالح" مهدد بالإيقاف لنهاية الموسم، وتم تغريمه مبلغ 700 ألف جنيه نظرًا لسهراته وتدخينه الشيشة وشربه الخمور.