«أنا ابنها» قصيدة للشاعر أحمد مطاوع
انا ابنها
و برجولة صاين عرضها
قبل الولادة
كنت بعشق حضنها
عشت الطفولة
لعب تنطيط بالهزار
برجع بسرعة مهما بزعل منها
هي العلم والنسر رافع جبهته
أسطول جيوش حافظ كرامته وعزته
اسأل لويس ولا المغول جوه التاريخ
لاتنين هزمهم لما وقفوا ف سكته
وكتير حكاوي بين أبويا وجدتي
الخير بيضرب تحت يوصل جبهتي
عن إيه عزيز والإنجليز والاحتلال
أطيب جيران كان وقتها دول ثروتي
الفن كان أوتار نغم مظبوط أوي
آلة كمان تعزف أغاني مسلطنة
والحب كان بالاحترام إنسان سوي
وحاجات زمان.. صبحت مجرد دندنة
بوضوح سامعهم بس محتاج ترجمة
محتاج إجابة لكام سؤال م الأسئلة
طب يعني إيه الاحتلال ؟؟
طب مين عزيز والإنجليز ؟؟
ويعني إيه مشوار نضال ؟؟
ندفعله قول مليون عريس ؟؟
كل الكلام بيدور هنا
وأنا مش هنا
سارحة خيالي ف كلمتين
مش مفهومين
أنا طفلة لكن بحترف
شعر وغنا
بس الغريبة كلمتينهم
مجهولين
الموضة أصلا عندنا مش زيهم
إحنا الرقي ولنفتح المكتشف
ولا حد يقدر ع التحدي منهم
م صعب جدا سرنا يوم يتعرف
إحنا اللي ورثين الأدب
حبة كتب
والشعر بقي تفريغ طاقات
المكبوتين
من كام سنه عاوزين نكون منتخب
نوصل بقي نشبع حاجات المحرومين
الحب عايش مصلحه
والحقد قرب يشتكي
في ناس تحلل ف الحرام
وشعارها قال ايه نرتقي
انا لسه طفل ف مطرحي
بسمع وبلعب لعبتي
وبحاول استوعب كتيرر
لكلام ابويا ووجدتي
