حملة «ريبورتات» ضد صفحات «شاومينج» على «فيس بوك»
أطلق عدد من نشطاء موقع التواصل الاجتماعى "فيس بوك" حملة بلاغات و"ريبورتات" ضد صفحات الغش الإلكترونى وأشهرها "شاومينج بيغشش ثانوية عامة".
وقال منظم الحملة: "طبعا كلنا شايفين اللي بيحصل من تسريب امتحانات الثانويه العامة، وضياع مستقبل وأحلام ناس تعبت وحرقة قلوب أمهات وآباء على تعب ولادهم اللي بيروح قدام عينيهم؛ بحجة إثبات أن المنظومة فاشلة".
وأضاف:" وشاومينج عايش في دور فيلم الهرم الرابع، طب ماحنا عارفين انها فاشله بس دي مش طريقة الإصلاح، ولذلك من كتر ما شوفنا إيفينتات هايفة بتجمع ناس كتير الفترة الأخيره، ففكرنا نستخدمها في حاجه نافعة ولو مره، ونساعد طالب ذاكر هيدعيلنا ونطمن قلب أم هتدعيلينا برده وأهو عمل خيري نثاب عليه في شهر كريم".
