عمرو سمير عاطف يستنكر عدم تكريمه في احتفالية «النيل للدراما»
عبر السيناريست عمرو سمير عاطف، عن اندهاشه الشديد، من موقف إدارة قنوات نايل دراما، بعدم تكريمه ودعوته لحضور تكريم نجوم الفن في احتفالية قنوات "النيل للدراما".
وعلق سمير، عبر صفحته الشخصية على موقع التواصل الاجتماعى "فيس بوك" بسخرية قائلا: "بدافع من الفضول حبيت أعرف أنا ليه ماحدش عزمنى على حفل قنوات النيل أو القنوات المتخصصة عشان أتكرم أنا كمان زى ما تقريبا كل مصر اتكرمت وخصوصا إنى كتبت السنة اللى فاتت مسلسلين أعتقد يعنى إنهم نجحوا بعد البداية ولعبة إبليس ده طبعا غير بكار فقلت أطمن يمكن يكون فيه مثلا لاقدر الله موقف منى بسبب رأي قلته ولا كلمة اتنقلت عنى زعلت حد مهم فقالهم ما يصحش كده واهه الواحد يلحق يجهز شنطته ويخلع قبل ما الموضوع يكبر إنما أنا عارف إن التكريم ده مجرد مجاملة لطيفة وحاجة أنا بعتبرها بتفرح العيال يعنى بابا بياخد جايزة وكده ويستنونى أما أرجع عشان يلعبوا بيها بدل ما أشتريلهم لعبة".
وتابع: "اتصلت بإيناس عبد الله رئيسة النيل للدراما وقلتلها أنا فلان قالتلى فلان مين قلتلها أنا سيناريست غلبان كان ليا أعمال هي كذا وكذا قالتلى اؤمرنى قلتلها أنا بس عايز أعرف أنا ليه ما حدش وجهلى دعوة عشان الحفلة بتاعة قنوات النيل بالرغم من أن فريق عمل المسلسلين كانوا هناك هل فيه موقف منى ولا حاجة قالتلى لا خالص إحنا بس بنعزم الناس المهمة وعلى كل حال ما تزعلش ابقي اتصل بيا وأنا أخليهم يطلعوك في برنامج ولا حاجة".
واختتم: "يبقي حد من قنوات النيل أو نهر النيل يكلمنى أحلى حاجة إنهم طلبوا منى أدى كورسات للى شغالين في نايل كوميدي ماشي ياباشا اعتبر إن ده أول درس.. ما تشتغلش في قنوات النيل ولا رئيستك في العمل ها تبقي واحدة زى دى".
يذكر أن المؤلف عمرو سمير عاطف سيخوض رمضان القادم بمسلسل جديد بعنوان "شهادة ميلاد"، للنجم طارق لطفى.
